ڤەلۆرینەک بۆ شکەفتا دەکان
مستەفا مەلا سەلیم ئاکرەیی
ل وێ سپێدھیێ، دەم چڕڤەھات و
دەمژێر ژی ڕاوەستیا ..
نەژدەمێ خوە .. ھەمی مزگەفتان
بانک ھەلدێران و
کەنیسەیان زەنگل لێدان
ل دەمێ نڤرۆ دیکلا بانگێ خوە
ھەلدێران ..
کەڤرو تڕاش دول و نھال و
تەیروتەوال ھەمی سەرسام و
شاشمیبوون ..
ھەمی ژھیلینێن خوە دەرکەفتن و
تێشکێن خوە ل پاش خوە ھێلان
ھاتنە بەرامبەر شکەفتا دکان
سەدان مەسج .. سەدان پەیام
دگەل خوە ئینان …
ھندەکا چنکێن نانی بەردەم
شکەفتێ بۆ زاروکان بەرددان
ھنەکێن دی ژی ..
ب دمکێن خوە دلۆپ دلۆپ
ئاڤ بەرددا ..
ل ڤێ ئیڤرۆیێ و ڤێ ئیڤاریێ
کەس ل بێدەنگییا دونیایێ
نەدگەھشت ..
تنێ تەیرو تەوال نەبن ..
کەسێ بێھنا مرنێ نەدکر
تنێ حەفتیار و خەرتەل نەبن
قێرینا زارۆک و پیرو کالان
دئاگرەکێ ڕەش وەربوون
نەکەس ژھەوارا وان ھاتن
نەژی ئەستێرێن ئەسمانی ژبلندییا
خوە داکەفتن ..
لەوما گەلۆ شکەفتا دکان
بوو کەڤالێ گورنیکا و.. ڤەمانێ
بوو ھێمایەکێ مەزن .. و دیرۆکەکا نوی
بوو بەرخودانێ و ..
پەیاما سەربەخویا کوردستانێ ..
