ڤەکولەرەکێ دەرونی: تێرکرنا لایەنێ سکسی و ئارامیا دەروونی ئارمانجێن سەرەکی نە د ھەڤژینیێ دا
ئه‌ڤرۆ نيوز:
پێکئینانا ھەڤژینیێ ئێک ژ ئارمانجێن سەرەکی یێن ھەر تاکە کەسەکی نە د ژیانێ دا، ژبەرکو ھەڤژینی گەلەک ڤالاھیان د ژیانا مروڤی دا پر دکەت و مروڤ ھەردەم ھەول ددەت وان پێدڤیان ب دەست خۆڤە بینیت، ئەڤجا پێکئینا خێزانێ ل سەر بنەمایەکێ تەندروست دێ ئەوان پێدڤی و ئارمانجێن گرنگ ب دەستڤە ئینیت، د ڤی دەرباری دا ڤەکۆلەرەکێ دەروونی دبێژیت: پشتی ھەڤژینیێ خوشی و ئارامیا دەروونی د ھەردو رەگەزان دا دھێتە گوھۆرین.
ڤەکۆلەرێ دەروونی سیروان ئازاد دیار کر کو، پروسەیا ھەڤژینیێ بەشەکە د ژیانا ھەر کەسەکی دا و گرێدایە ب چەندین ئارمانج و خوشیان د ناڤبەرا ھەڤژینان دا و بناغێ خێزانا ساخلەم جەختیێ ل سەر خوشیا ھەڤژینان یا دەروونی دکەت.
ڤەکولەرێ دەروونی ئەو چەندە ژی دا زانین، پێدڤیێن ژیانێ وەدکەن کو مروڤ د ماندووبونەکا دەروونی دا بژیت، ئەڤێ ژی کارڤەدانێن خراب یێن ھەین ل سەر ئاستێ خێزانێ و دروستبوونا کێشا دناڤبەرا ھەڤژینان دا و گۆت: ھەڤژینی پێدڤیێن تایبەت دناڤبەرا دو کەسان دا دابین دکەت و ڤالاھیان د ناڤبەرا وان دا پر دکەت، ژ وان ڤالاھی و خوشیا ژی دناڤبەرا ھەڤژینان دا ئارامیا دەروونی یە، ژبەرکو ھەکە مروڤ د تنێ بوونێ دا بژیت دبیت حەزەکا وەھا ل سەر مرۆڤی دا زال ببیت کو بۆ پرکرنا ڤالاھیا دەروونی پەنایێ ببەتە بەر کارەکێ نە چاڤەرێ کری، لەوما پشتی ھەڤژینیێ خوشی و ئارامیا دەروونی د ھەردو رەگەزان دا دھێتە گوھۆرین، ڤالاھیا دی کو حەزەکا گرنگە دھێتە پر کرن ئەو ژی خوشیا سکسی یە، ژبەرکو ئێک ژ ئارمانجێن ھەڤژینیێ کرنا سێکسی یە.
ڤەکۆلەر سیروان ئەو چەندە ژی گۆت: چەندین قوتابخانێن دەروونی ڤەکولینەک ل سەر خوشیا سێکسی یا تەندروست کریە دناڤبەرا ھەڤژینان دا ب رێژەیەکێ کو ئەڤ کریارە چەند زێدەتر بیت بناغێ ھەڤژینیێ موکمتر دبیت و پتر ئارامیا دەروونی ل نک مرۆڤی پەیدا دبیت.
ڤەکۆلەرێ دەروونی گۆتژی: ھەروەسا پێکئینانا خێزانێ دبیتە فاکتەرەک کو مروڤ خوە بپارێزیت ژ کاریگەریێن دەرڤە یێن خێزانێ ئەڤە ژی پێخەمەت گونجاندن و ئارامبونەکا زێدەتر ل نک ھەڤژینان کو گرنگی دانە ب ئەدەب و رەوشت و جوانیا ژیانا ھەڤژینیێ دناڤبەرا وان دا.