ڤەکۆلینەکا ئەلمانی: لاشێ مرۆڤی ب رۆژی یێ ب ڤی رەنگی یە
ئەڤرۆ نیوز، رۆندک زەکی:
د گەل نێزیک بوونا ھەیڤا رەمەزانێ گەلەک ئاخفتن زێدە دبن ل سەر مقایێ رۆژیگرتنێ، بەلێ خرابیێن خوە ژی ھەنە، دڤێت مرۆڤ بزانیت، ژ بەر ڤێ یەکێ زانایێن ئەلمانی چەند خواندن ل دەمێ رۆژیگرتنێ ل ناڤ لاشێ مرۆڤان دا چێکرینە و ئەف ئەنجامە ھەبوون.
زانایێت ئەلمانی ژ سەنتەرێ ئەلمانی یێ لێگەریانا پەنجەشێرێ دبێژن رۆژی گرتنێ مفایێ ھەی ل سەر لاشێ مرۆڤان تایبەت ئەگەر نەخوشیا مێلاکێ ھەبیت ئەوا ل ھەموو جیھانێ بەربەلاف ژ لایەکێ دی ڤە ھاریکاریا مرۆڤێن قەلەو دکەت.
ئەو چەندە ژی ئاشکەرا کریە کو زانا گەھشتینە وێ یەکێ کو ئەو چەندا ل سەر لاشێ مرۆڤان دا دھێت ل دەمێ رۆژی گرتنێ ھندەک پروتینا چێدکەت کو مادێ کیمیاوی ل سەر مێلاکێ زێدەکەت.
دکتور ئادەم روز ژ سەنتەرێ ئەلمانی یێ لێ گەریانا نەخوشیا پەنجەشێرێ ل سەر ئەڤێ یەکێ گۆتیە: “ئەم دشێین چارەسەریا قەلەوی و نەخوشیا مێلاکێ بکەین ئەگەر ئەم بزانین چاوان رۆژی گرتن دبیتە مادێ کیمیاوی ل سەر لاشێ مرۆڤان؛ ئەو پێزانینێن ھاتینە کومکرن ھەموو دبێژن رۆژی گرتن ژ بوو مفایەکێ باش ل سەر نەخۆشیا مێلاکێ ھەیە.
د رۆژناما وگسبورگە ئەلگەماین یا ئەلمانی دا ھاتیە کو زانایا پشکنین ل سەر “چینێن خانێن مێلاکێ” ل دەمێ رۆژیگرتنێ کریە دیار بوویە کو چینێن کۆنترۆلێ ل جھێن لاشی یێن دوھنی دکەت.
پشتی پشکنینێ ل سەر لاشێ مرۆڤان ئەو یەک ژی دیار بوویە کو شەکرا د ناڤ خوینێ دا یا بلند و رێژا دوھنی د مێلاکێ دا کێمتر لێ دھێت ژ بەر ئەڤی پروتینی.
