ڤەکۆلەرەک: رۆژهەلاتا ناڤین بەر ب شەڕەکێ مەزن ڤە دچیت
فەهیم تاشتەکین بسپۆرێ کاروبارێن سیاسی یێ رۆژهەلاتا ناڤین د داخۆیانیەکێ دا راگەهاند، نها رۆژهەلاتا ناڤین بەر ب شەڕەکێ مەزن ڤە دچیت، ئێرشا ئسرائیلێ ل شامێ و کوشتنا ئەفسەرێن ئیرانی، ئێرشێن بەردەوام یێن گرۆپێن سەر ب ئیرانێ و هەروەسا ڤێ دووماهیێ مەترسیا حوسییان ل سەر گەمیێن بازرگانی، هەموو نیشا ددەن کو رۆژهەلاتا ناڤین بەر ب شەرەکێ مەزن ڤە دچیت و هەکە رێگری نەهێتە کرن ئەو یەک دێ کاریگەریا خوە یا خراب ل هەموو جیهانێ ژی کەت.
ناڤهاتی ئەو یەک ژی دیار کر، ئیرانێ دڤێت هێشتا رەوشا رۆژهەلاتا ناڤین ئالۆز بکەت و مەترسیان بۆ ئەمریکا و هەڤالبەندێن وێ دروست بکەت، ل ئالیێ دی ئسرائیلێ ژی دڤێت مەترسیا ئیرانێ و گرۆپێن سەر ب وێ ژ خوە دوور بکەت، ئەو یەک ژی بوویە ئەگەر نها رۆژهەلاتا ناڤین بەر ب شەرەکێ مەزن ڤە دچیت و هەکە رێگری نەهێتە کرن دێ زیانەکا گەلەک مەزن گەهیتە دەڤەرێ و هەتا جیهانێ ژی.
