ڤەکۆلەرەک: سیستەمێ سووریێ دێ بیتە فیدرالی
حەسەن جەمال نڤیسەر و ڤەکۆلەرێ ناڤدار یێ تورکیا دیار کر، نها پرسا کوردی د ئاستێ رۆژهەلاتا ناڤین و جیهانێ دا بوویە پرسەکا گرنگ، گوهۆڕینێن نها ل رۆژهەلاتا ناڤین گەلەک گرنگن، بەحسێ نەخشێ نوو یێ رۆژهەلاتا ناڤین دهێتە کرن، ل سووریێ ژی ئێدی کورد بووینە هێزەک گرنگ و کەس نەشێت بێی بەرچاڤ وەرگرتنا رۆلێ کوردان بەحسێ چارەسەریا قەیرانا نها ل سووریێ بکەت، ئەو یەک ژی نیشا ددەت دێ کوردان رۆلەکا گەلەک گرنگ و کاریگەری بۆ پاشەرۆژا سووریێ هەبیت.
ناڤهاتی ئەو یەک ژی دیار کر، کۆنفرانسێ ڤێ دووماهیێ ل ئۆرۆپا جارەکا دی سەلماند هێزێن جیهانی دخوازن کورد ل سووریێ بگەهنە مافێن خوە، ژ بۆ ڤێ یەکێ ژی نها بەحسێ سیستەمەکێ فیدرالی بۆ سووریێ دهێتە کرن، ئەو یەک ژ بۆ کوردان ژی دێ گەلەک یا باش بیت، چونکی کوردان د شەرێ ل دژی داعشێ دا ل سووریێ گەلەک قوربانی داینە و بێگومان کورد قەبوول ناکەن وەکو بەرێ و بێی ماف ل سووریێ بژین.
