ڤەگەڕیان
جۆتیار بانی
نە تە پێكەك دا من
نە تە گولەك دا من
نە ژی تە بیرهاتنەك
كرە ماچەك و دا من.
ئەڤرۆ ئەز گەڕیدە مە
ل دەنگێ تە دگەڕیێم
شاگردەكێ كۆرەمە
ل دو چاڤێن تە دگەڕیێم
ل ناڤ شوونوارێن تە
ئەز یێ ل پێژنێن تە دگەڕیێم
دا كو ئاوازەكا بێدەنگ
ژ دەنگەكێ نەبهیستی
ب پەیڤێن خەریبییێ
ل ناڤ خەیالەكا ڤالا
وارەكی بۆ بەژنا تە چێبكەم
هەر ڕۆژ ل هەمبەر تە
ببمە بەندەیەكێ هەژار
هەروهەر بهەژیێم
هەتا درەوا خوە
بكەمە ڕاستییەك
ئو ل دۆر بەژنا تە وەربكەم.
