کارتێکرنا پلەیێن گەرمێ ل سەر لاوازبوونا ئەنترنێتێ
پلەیێن گەرمێ دشێن کارتێکرنەکا بەرچاڤ ل سەر کارکرنا ئەنترنێتێ هەبن، ب تایبەت دەما پلێن گەرمێ گەلەک د بلند دبن. ئەڤ کێشە ب تایبەت د ناڤ وان دەڤەرێن کو گەرماتی گەلەک بلند دبیت دیار دبیت، دەمێ کو کەشوهەوا گەرم دبیت، دبیته ئەگەرێ کێشەیێن د سیستەمێن تەکنیکی دا.
ئامیرێن ئەنترنێتێ وەک ڕاوتەر، مۆدێم و سێرڤەر هەموو ب شێوازەکێ ب ساناهی ل ژێر کارتێکرنا گەرماتیێ دکەڤن. دەمێ ئەڤ ئامیره گەرم دبن، دبیتە ئەگەرێ کێمبوونا دانا له‌ران و ژ ئەنجامێ لاوازبوونا ئەنترنێتێ. گەرماتیا بلند چێدکەت کو ئامیر خوە ب پارێزن و گەرماتیێ کێم بکەن و کارکرنا وان کێم ببیت ژبو پاراستنا خوە، ئەڤە ژی دبیتە ئەگەرێ لاوازبوونا ئەنترنێتێ یان پەیوەندیا ئەنترنێتێ ببڕیت.
کێبلێن ئه‌نتەرنێتێ ژی دکەڤنە ژێر کارتێکرنا گەرماتیێ. ژ بەر کو گەرماتی دبیتە ئەگەرێ ڤەکێشانا کێبلان و لاوازبوونا ڕەوشا وان، ئەڤە ژی دبیتە ئەگەرێ کێمبوونا له‌زاتیا ڤەگۆهاستنا داتایان.
هەروەسا، گەرماتیا بلند دشێت کارتێکرنەکێ ل سەر تەکنەلۆژیا بێتەل (وایەرلەس) ژی بکەت. شەپۆلێن رادیۆیی یێن کو ژ بۆ ڤەگۆهاستنا داتایان دهێنە بکارئینان، دەمێ گەرماتی بلند دبیت، تووشی تێکەلبوون و لاوازبوونێ دبن، نەخاسمە ئەگەر گەرماتی ل دەڤەرێ گەلەک بلند بیت.
سێرڤەرێن کو داتایێن مە دپارێزن ژی دکەڤنە ژێر کارتێکرنا گەرماتیێ. گەرماتیا بلند کارتێکرنێ ل سەر کۆمپیوتەر و سیستەمێن سێرڤەران دکەت، ئەڤە ژی دبیتە ئەگەرێ كێمبوونا کارکرنا وان. دەمێ سێرڤەر هێدی کار دکەن، ئەڤە ژی دبیتە ئەگەرێ هێدیبوونا بەرسڤدانا وێبسایتان و خزمەتگوزاریێن ئەنترنێتێ.
هەروەسا، گەرماتیا بلند دبیتە ئەگەرێ زێدەبوونا بکارئینانا ئەنەرژیێ ژبۆ سارکرنا ئامیران. ئەڤە ژی دبیتە ئەگەرێ زێدەبوونا پەستانێ ل سەر سیستەمێن ڤەزەلانێ، زێدەبوونا لاوازبوونا کارەبێ، کو دبیتە ئەگەرێ بڕینا کارەبێ و ژ ئەنجام بڕینا ئەنترنێتێ.
ژبۆ کێمکرنا کارتێکرنا گەرماتیێ ل سەر لاوازبوونا ئەنترنێتێ، دڤێت مرۆڤ هندەک ڕێکاران بگریتە بەر. پێدڤیە ئامیرێن ئەنترنێتێ وەک ڕاوتەر و مۆدێم د جهەکێ هەنک و دوور ژ تیرۆژکا ڕۆژێ بێنە دانان. هەروەسا، پێدڤیە سیستەمێن سارکرنێ بێنە بکارئینان ژبۆ پاراستنا ئامیران ژ گەرماتیێ، نەخاسمە د وان دەڤەرێن کو گەرماتی تێدا گەلەک بلند دبیت.
بکارئینانا کێبلێن باش و ب کوالێتی ژی دێ هاریكاریا پاراستنا کارکرنا باش یا ئەنترنێتێ دەت. کێبلێن کو شیانا بەرگرتنا گەرماتیێ تێدا هەبیت، دێ باشتر بەرگریا کارتێکرنێن گەرماتیێ کەن.
گەرماتیا بلند کارتێکرنەکا نێگەتیڤ ل سەر کارکرنا ئەنترنێتێ هەیە، ژبۆ پاراستنا کارکرنا باش یا ئەنترنێتێ، پێدڤیە چارەسەری بۆ کێشەیێن گەرماتیێ بێنە دیتن.
