کارین و ڤین دێ بەر ب ئەزربیجانێ ب رێکەڤن
ئەڤرۆ نيوز:
سەرۆکێ ئێکەتیا شەترەنجا پارێزگەھا دھۆکێ بو روژناما ئەڤرۆ دیارکر دێ ل روژا پێنجشەمبی ھەردو یاریزانێن پارێزگەھا دھۆکێ کارین و ڤین کەمال بەر ب وەلاتێ ئەزربێجانێ ب رێکەڤن ژبو پشکداری کرنێ د ئۆلۆمپیاتێن جیھانێ یێن یا یارییا شەترەنجێ دا د ناڤبەرا2 ھەتا 15 مەھا ئەیلولێ.
زێدەتر کەمال جەلالەدین گوت: پشتی یاریزان کارین بویە قارەمانا عیراقێ دقارەمانیا عیراقێ دا ئەوا بەری حەفتیەکێ ل باژێرێ بەغدایێ ب دووماھی ھاتی و ھەروەسان خوشکا وێ ڤین ل رێزا حەفتێ ھاتی ھەردوکا دەربازبونا خو بو ڤێ قارەمانیێ دووبات کر و بھیڤینە ئەنجامێن باش بدەستخوڤە بینن ھەروەسان دیارکرکو ھەلبژارتیێ عیراقێ پێک دئێت ژ 5 کوران و 5 کچان کو دو ژ وان کچان یێن دھۆکێ نە .
ل دووماھیێ کەمالی ئەو چەندە ژی نەڤەشارت کو جارەکادی سەرەرای قەیرانا دارایی نەچارە مەزاختیان بکەت بو پێشڤەبرنا ناڤێ یاریا شەترەنجێ ل پارێزگەھا دھۆکێ و تومارکرنا دیروکەکێ بو پارێزگەھێ.
