کارەبا گشتی ژ مالیدەیێن سەرپێچی کرین ھاتە برین
ئەڤرۆ نیوز ، عەلی حاجی :
د داخویانیەکێ دا ئەندازیار خالد سالح رێڤەبەرێ بەلاڤکرنا کارەبێ ل قەزا زاخۆ بۆ ئەڤرۆ نیوز دیارکر پشتی رێژەیەکا زور یا مالیدەیێن کارەبێ ل زاخۆ رابوین ب کێشانا کارەبا گشتی بێ دانانا پیڤەر بشێوێ سەرپێچی وان ب ئێکجاری کارەب ژ وان مالیدەیان بریە.
زێدەتر گۆت: ژ بەرکو فشارەکا مەزن ل سەر تورا گشتی یا کارەبێ ل زاخۆ دروست ببو ،خودانێن گەلەک مالیدەیێن کارەبێ ب وەلاتیان ددەن ، لژنا زێدەگاڤیان ل رێڤەبەریا مە رابوون ب برینا کارەبا وان مالیدەیان ژبەر کو سەرپێچی کربون د ئینانا کارەبا گشتی دا و خودانێن وان مالیدەیان و بەرامبەر دوبارەکرنا ڤی کاری دێ پێرابونێن یاسایی بەرامبەر وان ھێنە وەرگرتن.
ناڤھاتی ئەو چەندە ژی گوت : ئاڤاکرنا ھند خانیێن تایبەت کو خەلکێ تنێ بۆ سەیرانا دروست کرینە ئانکو مەزرەعە ل دەوروبەرێن زاخۆ ، لژنا مە بەردەوام دووڤچوونێ ل سەر وان خانیان دکەت ژ بەرکو پشکەکا وان وەلاتیان ژی سەرپێچی د کێشانا کارەبا گشتی دا کربوون.
