کارەبێ کرێکارەک کوشت

ئه‌ڤرۆ نيوز:

ل دەمێ کارکرنێ ل سەر ئێک ژ پرۆژەیێن ئامێدیێ ل رۆژا سێ شەمبی ١-٩-٢٠١٥ کرێکارەک دکەڤیتە بەر لێدانا کارەبێ و دەم ل دەست گیانێ خوە ژ دەست ددەت.
سەعدولا داتازایی بەرپرسێ بنگەھێ پۆلیسێن نەخۆشخانا ئامێدیێ بۆ ئەڤرۆ دیار کر، کو بەری نیڤرۆ یا دوھی تەرمێ کەسەکێ مری گەھاندیە نەخۆشخانا ئامێدیێ و ل گۆر لێکۆلینێن وانا ژ ئەنجامێ لێدانا کارەبێ گیانێ خوە ژ دەست دایە و گۆت “ناڤێ وی موئەید موحەمەدە و ژ دایکبوویێ ١٩٨٦ێ و خەلکێ زمارە و نھا ئاکنجیێ باژێرێ دھۆکێ یە و بەری چەند رۆژان پەیوەندی ب ئێک ژ کۆمپانیێن دەڤەرێ کریە ب مەبەستا کارکرنێ وەک شوفێرێ کرنگێ و ل دەمێ کارکرنێ ل سەر پرۆژەیێ جادا دەرگەھێ ئامێدیێ کرنگا وی دکەڤیتە بەر تێلێن کارەبێ و کارەب وی ژی دگریت و یەکسەر گیانێ خوە ژدەست ددەت”.
بەرپرسێ بنگەھێ پۆلیسێن نەخۆشخانا ئامێدیێ خویا ژی کر، کو پشتی لێکۆلینێن دەستپێکی ل نوژداریا داد ل ئامێدیێ تەرمێ وی بۆ دھۆکێ ھاتە ھنارتن.

کۆمێنتا تە