کار دێ ب بریارا رەشکرنا جامێن ترومبێلا هێتە کرن
ئەڤرۆ نیوز،عەلی حاجی :
د داخویانیەکێ دا بەرپرسێ راگەهاندنا هاتن و چونا پارێزگەها دهوکێ بۆ ئەڤرۆ نیوز دیار کر ئێدی دێ کار ب بریارا رەشکرنا جامان ل پارێزگەها دهوکێ هێتە کرن ل دووف چەند مەرجان و رەشکرنا جامان دێ ژ ٣٠٪ هەتا ٥٠٪ بیت.
زێدەتر موقەدمێ مافپەروەر ئازاد تەها گوت : ( ل دووف بریارا وەزارەتا ناڤخویا حکومەتا کوردستانێ دێ کار ب بریارا رەشکرنا جامێن ترومبێلان هێتە کرن ل دووف چەند مەرجان و پێدڤی یە ئەو کەسێ جامێن ترومبێلا خوە رەش بکەت پابەندی مەرجێن وەزارەتا ناڤخو بیت و مەرج ژی ب ڤی رەنگی نە(:-
١- پێدڤی یە هاولاتی داخوازیا خوە پێشکێش رێڤەبەریا هاتن و چوونا پارێزگەها دهوکێ بکەت.
٢- دڤێت ژمارا ترومبێلێ ژمارە دهوک بیت .
٣- رەزامەندی بتنێ دێ بۆ ئێک سال بیت.
٤- نابیت رێژا جاما سینگی یا شوفێری دگەل یا سەرنشینی ژ ٣٠٪ زێدەتر بیت.
٥- رسوماتێن دەست نیشان کری بۆ رێژا جام رەشکرنێ ٣٠٪ بۆ هەردو جامێن پشتێ ب ٤٠٠ هزار دیناران بۆ ئێک سال.
٦- رسوماتێن دەست نیشان کری بۆ رێژا جام رەشکرنێ ٣٠٪ بۆ هەر چوار جامان ٦٠٠ هزار دینارن بۆ ئێک سال.
٧- رسوماتێن دەست نیشان کری بۆ رێژا جام رەشکرنێ ٥٠٪ بۆ ئێک سال دێ ٨٠٠ دینارن.
٨- رسوماتێن ترومبێلێن کومپانیا دێ ب رێژا ٥٠٪ بیت ب کوژمێ ١,٢٠٠,٠٠٠ دینار بن.
