کازم ساھر بەحسا خوشتڤیا خوە دکەت
ئەڤرۆ نیوز:
ھونەرمەندێ بناڤ و دەنگێ عیراقی کازم ساھر یێ ناڤدار ب قەیسەر ئاشکرا کر کو د چیروکەکا ئەڤینی دا دژیت و ب رژدی ھزر د پێکئینانا ژیانا ھەڤژینی دکەت بەلێ تا نوکە چارەنڤیسێ وێ دیار نینە.
کازم ساھر د چاڤپێکەفتنەکێ دا بو گوڤارا سەیدەتی بەرسڤا وان گوتگوتکان دا یێن دبێژن کو وی ل عەمان پایتەختێ ئوردن ئاھەنگا خوە یا ھەڤژینی گێرایە و گوت( ئەگەر ئەز ھەڤژینیێ پێک بینم ئێکەم جار دێ ڤی نوچەی گەھینمە خوشتڤیێن خوە و ئەڤ چەندە شەرەفەکا مەزنە ژ بو من چونکی ڤیانەکا مەزن د دلێ من دا ھەیە و خوشتڤیا من پشتەڤانەکا منا مەزنە و کاریگەریا وێ ل سەر ھەموو سترانێن من ھەبووە و ل دوماھیێ دبێژیت: ل دەمێ کو ئەو دلگران دبیت کارتێکرن ل سەر کارێ من دبیت لەورا ھەردەم بزاڤێ دکەم کو ئەوێ رازی بکەم.
