کازم ساھر پشکداری بەرھەمێ ھونەرمەندەکێ دھۆکێ دبیت
ئه‌ڤرۆ نيوز:
سترانبێژێ گەنج میھڤان ئامێدی دیارکر کو نوکە مژوولی بەرھەمەکی یە کو پتر ژ دەە تراکان پێک ھاتیە ب ستران ب زمانی َعەرەبی و کوردی ھاتینە گۆتن و نوکە ئەڤ بەرھەمە دقوناغا تۆمارکرنێ دایە.
دھەڤدیتنەکێ دا بۆلاپەرێ ھونەری یێ رۆژناما ئەڤرۆ مێھڤانی گۆت:ژبەر نەبوونا ھندەک ئامیرێن مۆزیکی مە ھندەک ستران ل مسری و دوبەی و تورکیا تۆمارکرینە لێ مخابن مە ئەو ئامیرە ل کوردستانێ نینن وئەڤ ئەلبوومە بۆ من گەلەک یاگرنگە چونکو ئێکەم ئەلبوومە و ئەڤە بۆماوەکە من گەلەک خوە پێدڤە وەستاندیە بەلێ ھەتا نوکە من چو ناڤ بۆ ئەلبوومێ دیارنەکرینە.
مێھڤان ئامیدی گۆت ژی: من سترانەکا دوقولی دگەل سترانبێژەکا مەغربی چێکریە، لێ نەشێم ناڤێ وێ سترانبێژی دیارکەم دبیت گوھۆرینان بکەم لێ ٧٠% ئەم رازی بووینە گەلەک سترانان ب عەرەبی بێژین و ئەڤ سترانە دێ ل ھندەک کەنالێن عەرەبی ژی دێ ھێتە خاری
ھێشتا گۆت: ھەردڤی بەرھەمی دا ھونەرمەند کازم ساھری سترانەک دایە من کو ئاوازا وێ سترانی َیا وی یە و دەمێ پشکداری بەرنامی (زەڤویس) بوویم بۆ خەلکەکی دیار بۆ کو ھونەرمەند کازم ساھر دژی من بۆ ھندەک دبێژن غەدرە یال تە کری دبینم ئەڤە پێش وێ چەندێ ڤە یە بەرۆڤاژی ھونەرمەند کازم ساھری گەلەک حەزژ من دکر و ھەتا نوکە من پەیوەندی دگەل وی ھەنە ب ئەنترنیتێ ئەو ستران و ئاوازا وی دایە من، من گەلەک حەزژێ کرو ب رەنگەکێ جوان تۆمارکریە و من وەکی خوە چێکریە و تودی بیژی ئەڤە نەسترانا ویە و ئەڤ سترانە مە وەک خوە چێکریە ھەروەسا ھونەرمەند اسماعیل خەروەچی ئاوازەک دایە من ھەروەسا ھوزانە ژڤی بەرھەمی ژپەیڤێن ئدریس بالەتەی نە ودو ستران من ل ستودیۆیا عیماد عەلی من تۆمارکرینە .
ل دووماھیێ مێھڤانی گۆت: ڤی بەرھەمی من گەلەک پارە لێ مەزاختینە نێزیکی (٥٠٠٠٠) ھزار دۆلاران لێ مەزاختینە، چونکو من گەلەک مۆزیک ل مسرێ و تورکیا و دوبەی تۆمارکرینە.
