کاسیاس دێ کەلھا برنابیو بجە ھێلیت
ئەڤرۆ نيوز:
دەزگەھێن راگەھاندنا ئسپانی دیارکرن کو کورگێریا یانا ریال مەدرید قارەمانا ئوروپا یا بەرێ و خودانا رێزا دویێ د لیگا ئسپانیا دا گەھشتنە وێ باوەریێ کو دەستا ژ گولچیێ خوە ئێکەر کاسیاس بەردەن و گلوپا کەسک بو چوونا وی ھلکریە د ڤەگوھاستنێن بھێت یێن ھاڤینێ و دیارکریە کو کارگێریا یانێ کاسیاس بڤێ چەندێ ئاگەھدارکریە.
زێدەتر د راپورتەکا رۆژناما ئاس یا ئسپانی دا ھاتیە کو کارگێریا یانا مەلەکی رێککەفتن لگەل کاسیاس سەبارەت چوونا وی کریە سەرەرای وێ چەندێ کو گولچیێ ناڤبری حەزا خوە دیارکریە بو ماوەکێ زێدەتر لگەل یانێ بمینیت و دھەمان دەم دا کو تیما ناڤبری نێزیکی مورکرنا ھەڤبەستا گولچیێ یانا مانشستەر یونایتد دیڤید دی خیا بوویە.
زێدەتر ھەمان رۆژنامە دیارکریە کو کارگێریا لوس بلانکوس حەزا بەردەوام نەبوونا کاسیاسی ھەبوو ژبەر وێ چەندێ ھەر دەمێ ھەڤبەستا دیڤید دی خیا ھاتە مورکرن دێ بیتە گولچیێ سەرەکی و لەورا مە دڤیا کاسیاس لجھەکێ دی یاریێ بکەت
دھێتە زانین کو چەندین یانە کەفتینە د ھەڤرکیا بدەستڤە ئینانا شیانێن کاسیاسی دا ژوان یانا میلان و ئنتەر میلان و باریس سان جیرمان و د دووماھیک دەم دا ئارسنال ژ ھەڤرکیێ دەرکەفت پشتی گەھشتینە ھەڤرکیێ لگەل پیتەر چیک گولچیێ یانا چێلسی قارەمانا پریمەرلیگا ئنگلیزی.