کالدیرون ژ پاشەروژا وی ترسیت
ئەڤرۆ نيوز:
سەروکێ بەرێ یێ یانا ریال مەدرید ترسا خوە و دو دلیا جەماوەرێ یانا ریال مەدرید ل ھەمبەر پاشەروژا ستێرا یانا ریال مەدرید یا ئسپانی کریستیانو رونالدو یێ پرتوگالی ئاشکەراکر و ئەو چەندە ژی نە ڤەشارت کو ب ڤەگوھاستنا رونالدو ژ سانتیاگو بێرنابیو بو یانا پاریس سان جێرمان یا فرەنسا ل ھاڤینا سالا بھێت مەندەھوش نامینت.
زێدەتر رامون کالدیرون بو روژناما لو باریزیان یا فرەنسی راگەھاند دەنگوباسێن گرنگیدانا یانا پاریس سان جێرمان یا فرەنسی ب کریستیانوی وەرگرتینە و ئەو پێشبینیا ڤەگوھاستنا وی دکەت چونکو د جیھانا نوو یا تەپا پێ دا چو بابەتەک مەحال نینە.
زێدەتر ناڤبری خویاکر کو ھەتا نوکە رونالدوی حەزا خوە بو ب جە ھاتنا ڤێ چەندێ دیار نەکریە و وسا ھزر دکەت ل دووماھیا وەرزی دێ یاریکەرێ پرتوگالی بریارەکا گرنگ دەت و ھەتا ئەو دەم دھێت دێ گەلەک گوتگوت و دەنگوباس ھێنە بەلاڤەکرن و دوپاتکر کو چو کوژمێن پارەی ناھێنە ھەمبەر رونالدوی و یاریکەرێن وەکو وی نینن میسی ب تنێ نەبیت و ھەر دەمێ پاریس سان جێرمان یان مانچستەر سیتی داخوازا کرینا رونالدوی دکەن بازار و بھایێ ڤی یاریکەری زێدەتر و مەزنتر لێ دھێت.
ژلایەکێ دووڤە روژناما لیکیب یا فرەنسی خویاکریە کو یانا ریال مەدرید حەزا ئیمزاکرنا ھەڤبەستێ ل گەل یاریکەرێ بەلجیکی ئایدین ھازردی ھەیە لێ بو ل سەر گرتنا ڤێ داخوازیا یانا ریال مەدرید یانا پاریس سان جێرمان دێ مەرجەک ھەبیت ئەوژی رازیبونا ریالە ل ھەمبەر دەست بەردانێ ژ کریستیانو رونالدو.
