کریارا سکسی ل گەل ھەڤالێ خوە کر و هنده سالان حوکم بوو
ئه‌ڤرۆ نيوز:
پارێزەرەکێ دادگەھا زاخۆ بۆ ئەڤرۆ راگەھاند کو، سکالایەک ل دادگەھا زاخۆ بڤی رەنگێ ھاتیە تومار کرن کو، کوڕەکێ سنێلە چەکێ بالندا ل گەل خوە ڕادکەت و دبێژیتە ھەڤالێ خوە ئەز دێ چمە نێجیرا تەیرا، ھەڤالێ وی دبێژتێ ئەز ژی دێ ل گەل تە ھێم ھندی ئەو کوڕ ھەول ددەت کو ھەڤالێ وی ل گەل نەچیت و گەفین قوتانێ ژی ل ھەڤالێ خوە دکەت، بەس ھەڤالێ وی لدووڤ دکەڤیت و ل گەل دچیت پشتی ژ باژێری دەردکەڤن کورێ نێجیرڤان کریارا سکسی ل گەل ھەڤالێ خوە كر.
دلوڤان عەبدولرەحمان شەعبان ل دادگەھا زاخۆ دیار کر کو، کوڕەکێ سنێلە ب چەکێ بالندا قەستا دەڤەرەکێ دکەت و ھەڤالێ وی ژی ب زوری ل گەلدا دچیت پشتی گەھشتینە وی جھی کوڕێ نێچیرڤان کریارا سکسی ل گەل ھەڤالێ خوە دکەت و ئەو کوڕێ کارێ سکسی ل گەل ھاتیە کرن ب گریڤە قەستا مالا خوە دکەت و ب رێڤە شڤانەکی دبینت و ب تێلەفوناوی پەیوەندیێ ب بابێ خوە دکەت و ب گریڤە دبێژیتێ ھەڤالێ من کریارا سکسی ل گەل من ئەنجام دایە بابێ وی ئێکسەر ھانا کوری خوە دچیت و سکالایێ ل سەر ھەڤالێ وی تومار دکەت.
پارێزەری دا زانین ژی کو، ئەو کوڕێ توشی دەستدرێژیێ بووی ھاتە ڕەوانەکرن بۆ پزیشکا داد ل دھوکێ و د راپورتێ دا وەسا دیار بوو کو راستە ئەڤ کریارە ل گەل ھاتیە ئەنجام دان و گۆت: بەس ژبەرکو دەم ب سەرڤە چبوو و یا کەڤن بوو لەوا تێدا دیار نەببو کا کەنگی ئەڤ کوڕە تووشی دەستدرێژیێ بوویە، ژ بەر ھندێ ئەو کورێ ب ڤێ کریارێ رابووی دھێتە بەردان و (افراج) بۆ دھێتە دان، چونکی پشتی دادگەھێ ل گەل کومپانیا کوڕەک ئەڤ بابەتە ڤەکری کو چ پەیوەندی د وێ روژێ دا ژ دەف چ کەسا بۆ بابێ کوڕی نەھاتینە و چ شڤان ژی وەک دیدەڤان ژی نینن جارەکا دی سکالایێ تومار دکەت و دادگەھێ کوھداریا وان کر پشتی ھینگێ بۆ دادگەھێ وەسا ئاشکرا بوو کو گریا ئەو کورێ توشی دەستدرێژیێ بووی وێ چەندێ دوپات دکەت کو ئەو کار یێ ل گەل ھاتیە ئەنجام دان، لەوا تاوانبار بۆ ماوێ چار سالا دھێتە زیندان کرن.
