کرێکارەک ل دھۆکێ د ئاڤاھیەکێ بلند دا دکەڤیت
ئەڤرۆ نيوز:
بەرپرسێ پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ بۆ ئەڤرۆ دیا ر کر، کرێکارەک ل سەر کارێ خوە یێ رۆژانە د ئاڤاھیەکێ بلند دا دکەڤیت و گیانێ خوە ژ دەست دا.
رائید ھێمن سلێمان ئەترووشی، بەرپرسێ پەیوەندی و راگەھاندێ ل رێڤەبەریا پۆلیسێن پارێزگەھا دھۆکێ ئاشکرا کر، ب مەرەما ئەنجام دانا کارێ خوە یێ رۆژانە، ل دوشەمبیا بۆری ١٠-٨-٢٠١٥ کرێکارەک ب ناڤێ (ش،ن،خ) دچیتە سەر ئاڤاھیەکێ بلند ل تاخێ رەزا ل دھۆکێ و د ئاڤاھی دا دکەڤیت و ژ بەر برینێن وی یێن دژوار گیانێ خوە ژ دەست دا.
بەرپرسێ پەیوەندی و راگەھاندێ ل رێڤەبەریا پۆلیسێن پارێزگەھا دھۆکێ گۆت:”ژییێ وی کرێکاری ٥٠ سالن و خێزاندارە”.
