کــوڕێـن خــەم و خــویـنێ
محەمەد رەشید نێروەیی
لاوێن وەلاتێ من
دەمی هوین ب دلگەرمی بەرەف مەرگی دچن
خەتیرا ئاگرێ نەڤرۆزێ هەلدکەن
سەرچەمکییا گوڤەندا خەون و حەسرەتا
سەرخوبوونێ ژدل دکەن
دەمێ خاترا دوماهیکێ ل وەلاتێ رۆژێ دخوازن
دەمێ بۆ جارا دوماهیکێ دەستێ
دایکا رەشپۆشا ئەنفالێ ماچی دکەن
گاڤا سلاڤا لەشکەری بۆ بابێ قەهرەمانێ
شەرێ داعشێ دکەن
ل بەختێ هەوە مە
ب بێدەنگی و شەڤدزکی هەرن و وەغەربکەن
چونکی چنکۆ..
چیڕۆکا و سەرهاتییا هەر لاوەکێ وەلاتێ من
ژ یا یێ دی خەمبارترە
دلتەزینترە
ژبەر هندێ شین و تازییا هەوە
دو سەد و ئێک جارکییە
جارەکێ
یا سەرهاتی و چیڕۆکا
خەم و نە خۆشی و خێر نەدیتنا هەوە یە
دوسەت جارکی ژی
یا جانەمەرگی و جوانی و گەنجاتییا هەوە یە..
کورد نە لاوازێن بەرێ نە
تۆلا خوینا هەر لاوەکێ مە
بدەرزنەکا دروستا رهدرێژ و عمام بسەرا نە.
