کلچدار ئۆغلۆ: باوەریا جڤاکێ نێڤدەولەتی ب تورکیا نەمایە
کەمال کلچدار ئۆغلۆ سەرۆکێ گشتی یێ پارتیا کۆماریا گەل د داخۆیانیەکێ دا راگەهاند، سیاسەتا دەرڤە یا تورکیا تووشی قەیرانەکا مەزن بوویە، نها باوەریا ئەمریکا و وەلاتێن رۆژئاڤایی ب تورکیا نەمایە، هەروەسا ل رۆژهەلاتا ناڤین ژی ئێدی تورکیا بوویە ئاریشە، چونکی وەلاتێن عەرەبی ژی وەکو بەرێ بەرهەڤ نینن ل گەل تورکیا کار بکەن، ئەو یەک ژی ژ ئەنجاما سیاسەتا شاش یا حوکمەتا ئاکپارتیێ یە.
سەرۆکێ گشتی یێ پارتیا کۆماریا گەل ئەو یەک ژی دیار کر، دڤێت پێداچوونەکا باش د سیاسەتا دەرڤە یا تورکیا دا بهێتە کرن، دڤێت تورکیا ل گۆر راستیا نها سیاسەتێ بکەت، نابیت هەر رۆژێ داخۆیانیەک بهێتە دان، نابیت ل گۆر هەر روودانەکێ تورکیا هەلوەستەک جودا هەبیت، ئەو یەک بوویە ئەگەر نها باوەریا جڤاکێ نێڤدەولەتی ب تورکیا نەمایە، بێگومان بەردەوامیا ڤێ سیاسەتا شاش دێ ئەنجامێن خوە یێن گەلەک خراب بۆ تورکیا هەبن.
