کوردستان ل بەرانبەر دادگەها جیهانێ
مەتین وەرمێلی
د چاڤێن هەمیان دا یا دیار بوو؛ هەمی تشت پێشوەخت ئامادە کربوون. بەری دادگەهکرنێ بریار هاتبوو دان: پێدڤی بوو هزرێن من بهێنە سێدارەدان، دەستێن من بهێنە بڕین و زمانێ من بهێتە داخکرن. هەمیا د بن ماسکێ “دادگەهـ” و “دادوەری”یێ دا، سەرێ چەقۆکێن خۆ تیژ دکرن. ئەو بێ ئاگەهـ بوون ژ هندێ، کو ئەو جڤاکێ وان دڤیا هەر ب بندەستی و بێ مافی بمینیت، ئێدی ل بەر خەتیرا ئازادیخوازیا هزرێن من یێ ب خەبەر دهێت. چ نەمایە، دێ ب وان چەقۆکێن وان ب خۆ، تاریاتییا وان هێتە پارچەکرن، تاج و تەختێن وان یێن زۆردارییێ هێنە هەرفاندن و سنوورەک بۆ بێدادییا وان هێتە دانان. ل دویماهییێ، گەلێ مەزڵووم دێ ب سەر کەڤیت و ئالایێ ئازادییێ هێتە بلندکرن.