کوردەکی سەرکێشا ھەلبژارتیێ سوید کر
ئەڤرۆ نیۆز، ھەژار مەعروف:
ھەلبژارتیێ سوید یێ فوتسالێ دەربازی قوناغا دوێ بوو ژ ڤاڤارتنێن ئەورپا بوو دەربازبوونێ بۆ موندیالا جیھانی یا فوتسالێ ئەوا بریارە ل سالا بھێت ل وەلاتێ کولمپیا ھەڤرکیێن وێ بھێنەکرن پشتی شیای حەفت خالان ل سێ یاریێن خوە یێن بوری دا ب دەستخوڤە بینت.
دانا کویی یاریکەرێ کورد و خەلکێ باژێرێ مەھابا پشکداری د ھەرسێ یاریێن ھەلبژارتیێ سوید دا کرن و شیا ئاستەکێ بلند پێشکێش بکەت و د یاریا ئێکێ دا ھەلبژارتیێ سوید ل گەل ھەلبژارتیێ مونتیگرو وەکھەڤ بوو ب سێ گولان و د یاریا دوێ دا سەرکەفتن ل سەر سان مارینو تومارکر ب ٩-٤ گولان د یاریا سێ دا ژی سەرکەفتن سەر یونان تومارکر ب چار گولان بەرامبەر گولەکێ و ھەلبژارتیێ سوید سەرکێشا کوما دوێ کر و دەربازی قوناغا دوێ بوو ژ ڤاڤارتنێن ئەورپا بریارە ل یاریێن بھێت ھەمبەری ھەلبژارتیێ کرواتیا بیلاروسیا و ئەزەربێجان بکەن و سەرکەفتیێ وێ کومێ ئێکسەر دەربازی موندیالا جیھانی یا کولمپیا یا ٢٠١٦ بیت.
ھەژی گوتنێ یە دانا کویی بەری نوکە یاری ل گەل یانێن ئوربێر و سیرنیسکا یێن سویدی کری یە و یاریکەرێ ئێکێ یێ کوردە پشکداریێ ل گەل ھەلبژارتیێ یێ فوتسالێ کەت.
