کوردەکێ ناسناڤێ بالیۆزێ کولتۆری یێ نەتەوێن ئێکگرتی وەرگرت
ئەڤرۆ نیۆز،زنار تۆڤی:
سینەماکارەکێ کورد ناسناڤێ بالیۆزێ کولتۆری یێ نەتەوێن ئێکگرتی وەرگرت و ئەڤ ناسناڤە پشتی بەرهەمئینانا فلمی وی یێ سینەمایی (ماسیێ مەزن) هاتیە.
رێکخراوا پەروەردە و رەوشەنبیریێ یا سەر ب نەتەوێن ئێکگرتیڤە (یونیسکۆ) د راگەهاندنەکێدا،تەیمور قادری، سینەماکارێ گەنجێ کورد بۆ وەرگرتنا ناسناڤێ بالیۆزێ کولتۆری یێ نەتەوێن ئێکگرتی دەستنیشان کریە.
رێکخراوا یونیسکۆ ئاماژە ب هندێ ژی دایە،کو بەخشینا ناسناڤێ بالیۆزێ کولتۆری یێ نەتەوێن ئێکگرتی ب سینەماکار تەیمور قادری،ژبەر کورتە فلمێ وی یێ سینەمایی (ماسیێ مەزن) بوویە،کو وی سینەماکارێ کورد بەرهەم ئینایە.
ناڤەرۆکا ڤی فلمی دەربارەی چیرۆکا خەندقینا ئالان کوردییە،کو خێزانا ئالانی دڤیا ل دەریا ناڤەراست ب کۆچا نەیاسایی بەرەڤ ئورۆپا ڤە بچن،لێ ئالان ل گەل دایکا خوە دناڤا دەریایێ دا د خەندقیت،لەورا ڤی کورتە فلمێ سینەمایی سەرنجا رێکخراوا پەروەردە و رەوشەنبیریێ یا سەر ب نەتەوێن ئێکگرتی ڤە راکێشایە و کریە بالیۆزێ خوە یێ کولتۆری.
تەیمور قادری خەلکێ باژێرێ کامیارانە ل کوردستانا رۆژهەلات و خۆدانێ چەندین کورتە فلمانە،هەروەسا هەر ئێک ژ فلمێن، هنار فێقیێ ب هەشتێ یە، ل بانێ مالامە ددەت،دەمژمێر و باوەش و ماسیێ مەزن،ژ کورتە فلمێن وی یێن بناڤ و دەنگن.