کوردەک بۆ راھێنەرێ ھەلبژارتیێ عیراقێ
ئەڤرۆ:
ئێکەتیا تەپا پێ یا عیراقێ ب فەرمی دیارکر راھێنەرێ گولچیا ل یانا سەد یا قەتەری سوھێل سابر بیتە راھێنەرێ گولچیان ل ھەلبژارتیێ عیراقێ یێ ئێکێ بۆ ڤاڤارتنێن موندیالا جیھانی ل سالا ٢٠١٨ پشتی ل ماوێ بوری ئێکەتیا ناڤبری رازی شنێشل وەکو راھێنەرێ ئێکێ یێ ھەلبژارتیێ عیراقێ دەست نیشانکری .
سەھێل سابر کوردە ژ دایکبوویێ باژێرێ کەرکوکێ یە کو ئێک ژ بەرنیاسترین گولچیا بوو ل سەر ئاستێ عیراقێ ل سالێن ھەشتیان و نوتاندان و یاری ل ھەلبژارتیێ عیراقی َو یانا تەلەبە یاری کری یە پشتی یاری ب جە ھێلای بەر ب وەلاتێ قەتەر ڤە چویە ماوەکێ درێژ راھێنەریا گولچیا ل وەلاتێ قەتەر کەت تایبەت ل یانا سەد کو رولەکێ مەزن ھەبوو بۆ چندین گولچیا بۆ یانا سەد و ھەلبژارتیێ ئێکێ قەتەر و ئولومپی .
ھەژی گوتنێ یە بریارە ئەڤرۆ دەست ب کەمپا راھێنانی یا ھەلبژارتیێ عیراقێ بھێتەکرن ل باژێرێ ھەولێر و دو گولچیێن کورد ھاتینە داخوازکرن بۆ ھەلبژارتیێ ئێکێ عیراقێ ئەوژی دلێر حاتم ژ یانا ھەولێر و شوان جەلال ژ خولا پلا چار یا ئینگلتەرا.
