کوردەک گولکەرێ خولێ یە
ئەڤرۆ نیوز:
یاریزانێ کورد و ھەلبژارتیێ عیراقێ و ئولومپی عیراقێ یێ بەری نوکە فەرحان شەکور پشتی بورینا شەش حەفتیان ژ خۆلا نایابا عیراقێ سەرکێشا گولکەرێن خۆلا عیراقێ یا نایاب گرتیە ب ھەڤکاری ل گەل یاریزانآ یانا نەفت ئەلجنوب ب پێنج گولان .
یاریزانێ کورد و یانا ھەولێر فەرحان شەکور ل وەرزێ بوری و وەرزێ ئەڤ سالە شیا ئاستەکێ بلند ل گەل یانا خوە یانا ھەولێر پێشکێش بکەت و ل وەرزێ بوری ژێ ل دەمێ ڤەگوھاستنێن زڤستانی ژ یانا زاخۆ ھاتبو ڤەگوھاستن بۆ یانا ھەولێر ل گەل وێ یانێ ل وەرزێ بوری د ھەردو خولێن کورستانێ و عیراقێ پشکداری کربوو ل وەرزێ بوری دخۆلا کوردستانێ شیا بیتە گولکەرێ خۆلا نایابا کوردستانێ ل وەرزێ ئەڤ سالە ژێ ھەتانوکە یێ ھەڤرکیا گولکەریا خۆلا نایابا عیراقێ کەت ل گەل یاریزانێن و شیا پێنج گولان توماربکەت .
ھەژی گوتنێ یە فەرحان شەکور دەستپێکا خوە دخۆلا نایابا کوردستانێ دەستپێکریە ل گەل یانا سلێمانیێ پاش ل گەل وێ یانێ ھاتە ھەلبژارتن بۆ ھەلبژارتیێ لاوێن عیراقێ ل پشکداریا خوە دا ل موندیالا جیھانی یا لاوان ل تورکیا شیا چار گولان توماربکەت و پاش ھاتە ھەلبژارتن بۆ ھەلبژارتیێ ئولومپی عیراقێ و دو یاریان بۆ ھەلبژارتیێ ئێکێ ژێ ھاتە داخوازکرن و یاری ل وەرزێ 2012-2013 دخۆلا نایابا عیراقێ دا ل سلێمانیێ کریە و وەرزێ 2013-2014 یاری ل یانا ھەولێر کر و وەرزێ دیڤدا چو ناڤ رێزێن یانا زەورا 2014-2015 و ل ھەمان وەرز ل نیڤا خۆلێ پەیوەندی ب یانا زاخۆ کر و 2015-2016 ھەڤبەستا زاخۆ ئیمزاکر لێ دەستپێکا یاریێن قوناغا دوێ پەیوەندی ب یانا ھەولێر کر و ھەتانوکە یێ بەردەوامە ل گەل ڤێ یانێ.
