کورە جینوسایکریەکێ بارزان : ئەڤە 34 سالە چاڤەرێ زڤرینا بابێ خۆە دکەم
ئەڤرۆ نیوز , رەمەزان ھەرنی:
ل سپێدەھیا روژا ٣١/٧/١٩٨٣ ل کومەلگەھا قوشتەپەیا سەر ب پارێزگەھا ھەولێرێ ڤە رژێما بەعسا وی دەمی یا عیراقێ دەست ب گرتن و ئەنفالکرنا توخمێ نێرینەیێ بارزانیان کرو ھەیا دوماھیک روژا ئەنفالێ ھەشت ھزار بارزانی گرتن و بێ سەروشین کرن , ئەڤرۆ ٣٤ سال درەباز دبن بسەر وێ تاوانا دەرھەق ب بارزانیان ھاتیە کرن و ھەتا نھا ٥٩٦ شەش روفاتێن وان ھاتینە زڤراندن بو جھێ باب و باپیران ل گورستانەکاتایبەت ب ناڤێ ئەنفالان ل بارزان ھاتیە ڤەشارتن ، و وەسا بریارە ئەڤرۆ ئێڤاری کارەساتا جینوسایدا بارزانیان ب چەند چالاکی و گوتارێن جودا ب ھێتە ساخکرن.
تاھر سالح کورە جینوسایدکریە و دبیرئانینا ٣٤ سالیا ئەنفالکرنا بابێ خوە دا بۆ ئەڤرۆ نیوز گۆت : (بیرامن دھێت کو بابێ من ھاتیە گرتن و ئەنفالکرن سالا ١٩٨٣ ێ ئەز قوتابیێ رێزا چارێ بوم ئەم درونشتی بوین سەربازێن عیراقێ دھاتنە دەردورێن مالێن مە پشتی بویە دەمژمێر ١١ ێ روژی بو دەنگە دەنگا ژنا دناڤ گەرەکان داو دگوتن گرتن گرتن ئێدێ ئەو گرتن بو ئەڤە ھەیاما ٣٤ سالایە ئەز چاڤەرێ ڤەگەریانا بابێ خوە مە. مەنەزانی بوچی برن و بو کیرێ برن بەلێ یا کو مە دزانی برن و چون . من ژی گەلەک حەس دکر کو ئەو ژیێ من بوراندنی من بابەک ھەیا یان کەسەک لسەر مروڤی با وەک باب دا چەند خوش بیت من گازی کربا بابێ خوە مخابن ئەز بێ بەھر بوم ل سوز و دلوڤانیا بابێ خوە من نەدیت و چو)
زێدەتر گۆت: ( ئەم نەھـ برا بوین مەچ خوشک نەبون برایەکێ مە بەرەڤ ئیرانێ چو دگەل ٢٧ کەسان ئەو رزگاربون و نەھاتنە گرتن پشتی گرتنا بابێ من و کەس و کارێن مە ئەم بو ھەیاما سالەکێ ل قوشتەپە ماینەڤە بێ پارە و بێ ئاڤ و بێ کارەبا بێ قوتابخانە بێ ھەمو پێدڤیێن سەرەکی و دەست پێکێ یێن ژیانی مەسالەکا تژی نەخوشی دەربازکر , مە دوبرایێن بچویک ھەبون شیر نەبو ب دەینی ژیانەک بو تاما مرنێ لێدھات ھەرتشت بو بەس ژیان نەبو . دایکا من بومە کار دکر مەکەس نەبوکار بومە بکەت ھەیا بکاریت ب بھایێ دو دینارا تشتی بکرین دایکا من روژانە سپێدێ زوی دچو کریکاریێ و مەزاختنا مەیا روژێ پەیدا دکر .ئەو ژی خەلکی ھەولێرێ ب خیرَا خوە کار دایکێن مە , پشتی سالەکی ئەم ھەمو پێکڤە ھاتینە ھەولێرێ و سالەکی ژی پشتی گرتنا کەس و کارێن مە ئەم ل ھەولێَرێ ماینە ڤە . ھەروەسا نەخوشیەکا دی کو ب سەرێ مە دھات ئەو بو ئەو خانیێ ئەم تێدا کرێدار خودانی خانی دھات و ئەم دکرینە ژ دەرڤە و دا بێژیت ھوین زورن نابیت میننە دخانیێ من ڤە ئەم دکەتینە سەرجادەیان نەچاربوین بەرێ خوە بدەین خانیەکێ دی بو کری َگرتنێ .ھەیا سالا ١٩٨٩ ئەم دبێ خانی بوین بابێ من و ١٠ کورمامێن من و کور خالێن من و ھەیا ٣٠ کەسان ل بنەمالەیا مە ھاتیە ئەنفالکرن ل سالا ١٩٨٣ ێ یێ )
فاتما ب چاڤێن گری ڤە ب نالینەکا کویر جار جار دگوت من چ نەمایە بێژم پاشان گوت ژبیرکرنا روژا ئەنفالکرنا کەس و کارێن مە مرنا منە و بۆ ئەڤرۆ نیوز گوت : (روژا کەس و کارێن من و ھەڤژینێ من ھاتیە گرتن مە چ روژێن خوش دژیانا خودا نەدیتینە زارویێن خوە مەگەلەک ب زەحمەت ب خودان کرینە کارێ ژن و مێران مە دکر بو ب خودان کرنا زارویێن خوە روژێن بێنڤە دان ژی مە ھەر کار دکر ھەر جارا دبیتە سال روژا گرتنا کەس و کارێن من ھەست دکەم وێ گاڤێ لبەر چاڤێن من راکرینەو ئەنفال کرینە چ جاران ھەست ب خوشیێ ناکەم دژیانا خودا مادەم چو کەس و کارێن خوە و ئەندامێن خێزانا خوە نەبینم ژیان بو من مرنە و چو رامانا نادەت لبەر ئەنفالکرنا کەس و کارێن خوە من چ جارا ن ھەست ب خوشیێ نەکریەو من نەڤێت ژی من چو خوشی ھەبن مادەم دویرم ل کەس و کارێن خوە ھێشتا ل بێ سەر و شوین کرنا وان بێ ھیڤی نەبویمە و ب ھیڤیمە روژەکێ ب زرڤرنەڤە ئەو ھیڤیێن وێران ژناڤ بچن و خەونامن ببیتە راستی)
واجیدا ھەڤژینا ئەنفالەکێ بارزانیە و دبێژیت من کارێ ژن و زەلامان دکر ھەیا بکارم زارویێن خوە ب خودان بکەم و زێدەتر بۆ ئەڤرۆ نیوز گوت : روژا ھەڤژینێ من ھاتیە ئەنفالکرن سالا ١٩٨٣ من چەندین زارو ھەبون لبەر شیری و شیر دخوار پشتی بابێ وان و مامی َزارویێن من ھاتیە گرتن ئەز بومە دایک و باب من کارێ دایکایەتی و بابایەتیێ دکر بەس بو وێ ئێکێ زارویێن خوە ب خودان بکەم ل وێ روژا رەش دا,حکومەتا وی دەمی ئاڤ و کارەب لمە برین وان دڤیا ئەم بمرین بەلێ ئەم نەمرین . ھەیاما چەن سالان من کارێن زەلامان دکرو زارو ژی ب خودان دکرن , پشتی ئەم ل قوشتەپە رابوین ئەم بەرەڤ ئیرانی چوین ل دەمێ زڤرینێ ئەم ھاتیە گرتن بو ھەیاما ١٨ روژان بێ خارن و ڤەخارن ئەم ژیان پاشی ئەم ھاتینە ئازادکرن کورێن من دبچویک بون ھاتنە گرتن , ئەو روژا کەس و کارێن من ھاتیە گرتن چو جاران نەشێم ل بیربکەم یابویە روژەکا رەش دژیانا مەدا ب تنێ مرن دێ روژا گرتنا توخمێ نێرینەیێ بارزانیان ل بیرامن بەت مەچەندین جاران خانی دروست کرینە ب نەخوشی پشتی ھەیامەکێ ئەو خانێ لمە ھاتینە وەرگرتن و ل پێش چاڤێن مە ھاتینە خراب کرن)
حازم محەمەد کورە ئەنفالەکێ دی یێ بارزانیە جودا ل بیرەورەیا ئەنفالکرنا بابێ خوە داخوازی ژ لایەنێن سیاسی ل کوردستانێ دکەت پتر ئێک گرتی بن و بۆ ئەڤرۆ نیوز گوت: (دخازم روژا ئەنفالکرنا ھەشت ھزار بارزانیان ببیتە فاکتەرەک بو ھەموو لایەنێن سیاسی ئێک دەنگ و ئێک ھەلوێست بن بو ڤێ قوناغا ئەڤرو کوردستان تێدا درەباز دبیت و بو وێ ئێکێ چو جارێن دی جینوساید و ئەنفال و لسەر کوردان دوبارە نەبیتەڤە , ٣١/٧ روژەکا ھند مێژویی یە دمێژوییا گەلێ کورد دا دڤێت ھەمو خەلکێ ڤێ روژێ بلند راگرن ژبیرنەکەت ژبەرکو ئەڤ روژەبو کو ئەم گەھاندینەڤێ قوناغێ ئازادیا ئەڤرو بەرھەمێ خوینا ڤان شەھیدان و ئەنفالکریانە یا کێمایا باران و ئەنفال و وان نەخوشیانە یێن ب درێژا ھیا مێژویێ ببسەر گەلێ مە دا ھاتی .پێتڤیە ئەم ژی ھوشیارانەتر بەری َخوە بدەین ڤان کاودانێن بسەر گەل و وەلاتێ مە دا دھێن پێکڤە دەستێن خوەبکین تێدا بوسەرئێخستنا دوزا گەلێ کورد بەردەوام بزاڤێ بکەین بو سەرکەفتنا ھەمو کوردا بو وێ چەندێ بگەھینە وێ ئارمانجێ ئەوا باب و براو کەس و کارێن مە خوینا خوە بو رشتێ خوە گوری ڤی وەلاتی کری)