کومپانیا فەیسبوکى گەنجەکێ دێرەلوکێ ب ١٥٠٠ دولاران خەلاتکر
ئەڤرۆ نيوز، نەوزاد ھلۆری:
گەنجەکێ ناحیا دێرەلووک بناڤێ (نیھاد رێکانی) رابوویە ب چارەسەرکرنا چەند ئاریشەێن فێسبوکى کو کارتێکرنەکا زور ل سەر کومپانیێ ھەبوو، پشتی چارەسەرکرنا وان ئاریشەیان ژلایێ کومپانیا فێسبوک ھاتە خەلاتکرن.
نیھاد رێکانی بو ئەڤرۆ نیوز گۆت: ئەوى ھەرسێ کێشەیان پەيوه ندی ب پاسوردێن فێسبوکی ھەبون ھەردەما کەسەک چوبایە تێدا دشیا ب رێیا وان پاسوردان کارتێکرنێ ل کومپانیا فێسبوکێ بکەت، ژبەر ڤێ ئەز رابووم ب چارەسەرکرنا وان کێشەیان، پاشان من بو کومپانیێ ھنارت و سوپاس بو خودێ ئەوا ئاریشە ل بەر چاڤ وەرگرت و ئەز ب کوژمێ ١٥٠٠ دولاران خەلاتکرم، ١٠٠٠ دولار ھنارتن و ٥٠٠ دولارێن دن دێ پشتی وەرگرتنا ئاریشا سێ فرێکەن).
ناڤبری خەلکێ ناحیا دێرەلووکێ یە و قوتابیێ زانکویا نەورۆزە و ل پشکا ئای تی دخوونت، پێشتر ژی ئاریشەکا فێسبوکێ چارەسەرکر بوو، ھاتبوو خەلاتکرن ژلایێ کومپانیا فێسبوک و ل وی دەمی ژی ب ٥٠٠ دولاران ھاتبوو خەلاتکرن، بڤێ یەکێ کومپانیا فێسبوک ئەڤە چوار جارە وی خەلات دکەت، ژبەرکو فێسبوکێ خەلاتکر بوو، زانکویا نەوروز ژی ئەو خەلاتکر.
