کچا خوە ژ نەخوشخانێ رەڤاند
ئەڤرۆ نیوز:
دەزگەهێن راگەهاندنا تورکیا دیار کرن کو ل باژێرێ دوزجە یێ تورکیا پشتی کو پشکنین بۆ دو کچان هاتە کرن دەرکەفت ئێک ژ وان تووشی ڤایرۆسێ کۆرۆنا بوویە، ژ بەر هندێ ژی بەرپرسێن نەخوشخانێ بریار دان کو نەخوشێ رەوانەی نەخوشخانەکا دی یا تایبەت بکەن، لێ بابێ کچکێ د رێکێ دا کچا خوە رەڤاند و برە مالێ.
پشتی روودانێ هێزێن پۆلیسان هەر زوو خوە گەهاندنە وێ مالێ و بابێ کچێ هاتە دەستەسەر کرن و کچک ژی بۆ نەخوشخانێ هاتە رەوانە کرن دا چارەسەریا پێدڤی بۆ بهێتە کرن.
