کچێن پارێزگەھێ کونترۆلا قارمانیا کوردستانێ کرن
ئەڤرۆ،
سێ یاریزانێن پارێزگەھێ و یانا دھۆکێ شیان کونترۆلێ لسەر قارەمانیا ١٨ شۆباتێ یا ھەرێما کوردستانێ یا ڤەکری بۆ یاریا تێنسا ئەردی بکەن، ئەوا ب پشکداریا ١٦ یاریزانێن بژاردە بۆ ئاستێ پێشکەفتیان ل یاریگەھێن ئەکوا پارک ل ھەولێرا پایتەخت ھاتیەکرن.
د یاریا دوماھیێ دا یاریزانا دھۆکێ سارا ئاڤدەل سەرکەفت لسەر یاریزانا یانا نشتیمان لاڤا رۆستم سێ کۆمان بەرامبەر دو کۆمان، ھەروەسا ھەردو یاریزانێن دھۆکێ زەلال سەعید و لارا ئاڤدەل رێزێن سیێ و چارێ بدەستخوەڤەئینان.
د داخویانیەکێ دا ئاڤدەل حەسەن راھێنەرێ تیما کچێن یانا دھۆکێ بۆ رۆژناما ئەڤرۆ گوت: پێخووشحالم پشتی ڤەقەتیانەکا درێژ دووبارە یاریزانێن مە ب ھێز ڤەگەڕیانە دناڤ قارەمانیا دا و ئەڤە پێنگاڤا ئێکێ یە بۆ ئارمانجا مە، ھەرچەندە قارەمانیەکا ڤەکری و ب ھەلکەفتا رۆژەکا پیروز بوو کو دامەزراندنا ئێکەتیا لاوێن دیموکراتا کوردستانێ لێ ھەڤڕکیەکا بھێز دھاتەکرن و یاریا دووماھیێ گەھشتە قۆناغا سۆپەر تایبرێک، ھەموو یاریزانێن پشکدار خودان سەربوو و بەرھەڤیێن باش ھەبوون، ژ پارێزگەھا دھۆکێ حەفت یاریزانێن کچ پشکداری کربوون و شیان رێزێن پێشیێ بدەستڤەبینن.
ژلایەکێ دیڤە ناڤھاتی دیارکر ئەڤ قارەمانیە باشترین بەرھەڤی و تاقیکرنە بۆ قارەمانیێن داھاتی یێن عیراقێ و کوردستانێ کو دێ ل ئادارا بھێت دەستپێکەن، لەورا دێ بشێوەکێ باشتر ھێنە دناڤ ھەڤڕکیان دا.
