کچەکا دھۆکێ دێ پێشانگەھا ئێکێ یا ھونەرێ زۆمبی ل کوردستانێ ڤەکەت
ئەڤرۆ، نەوزاد ھلۆری:
بۆ جارا ئێکێ ل سەر ئاستێ ھەرێما کوردستانێ، کچەکا خەلکا دھۆکێ، کو ئاکنجیا قەزا سێمێلێ یە دێ پێشانگەھەکا ھونەرێ ترسێ و زۆمبێ ل وێ قەزایێ ڤەکەت.
بەھرەمەند شاناز ئیدریس عەلی، ئەو کچە بۆ ئەڤرۆ گۆت: بۆ جارا ئێکێ ل سەر ئاستێ ھەرێما کوردستانێ، ئەز وەکو کچەکا قەزا سێمێل یا سەر ب پارێزگەھا دھۆکێ، دێ پێشانگەھەکا ھونەرێ ترسێ و زۆمبێ ل سێمێلێ ڤەکەم کو ئەڤ یەک ژی تشتەکێ ھەرە گرنگە ل کوردستان و دەڤەرێ دێ ھێتەکرن، پێشانگەە دێ ل رۆژا چوارشەمبی رێکەفتی ١٠/٢/٢٠٢١ ژلایێ رێڤەبەریا رەوشەنبیری و ھونەری یا سێمێلێ ل ھولا رێڤەبەریا ناڤبری ل دەمژمێر دوی پشتی نیڤرۆ ھێتە ڤەکرن.
شانازێ گۆت: ئەو گەلەکا دلخۆشە کو دێ بیتە ئێکەم کچ ل کوردستانێ ڤی جۆرێ پێشانگەھێ ڤەکەت و خوشکا وێ رۆناک و خێزانا وێ گەلەک د ھاریکاربوون کو بشێت ڤێ پێشانگەھێ ڤەکەت.
