کچەکا عەرەب بەربژارا سەرۆکاتیا ئەمریکایە
ئەڤرۆ نیوز، ئەیاد بەرواری:
وەلاتیەکا ئەمریکی ژ نەژاد یا سووری دێ خوە بەربژارکەت بۆ سەرۆکاتیا ئەمریکا، ھەرچەندە ئەو ئەنداما حزبا جمھوری یە ژی، بەلێ وەکو بەربژارەکا سەربخوە دێ خوە بۆ ھەلبژارتنێن سەرۆکاتیا ئەمریکا بەربژارکەت.
سورەیا فقس یا ٣٤ سالی بابێ وێ ل سالا ١٩٧١ ژ باژێرێ حەلەب یێ سووری بەر ب ئەمریکا چوویە و دایکا وێ ژی وەلاتیەکا ئەمریکی ژ نەژاد فەنزەویلی یە، یا گەشبینە ب سەرکەفتنێ دھەلبژارتنێن سەرۆکاتیا ئەمریکا دا و بۆ (ھافینگتۆن پۆست) دبێژیت”ھەکە من باوەری ب سەرکەفتنا خوە د ھەلبژارتنان دا نەبا، من بریارا خوە بەربژارکرنێ نە ددا”.
سورەیا ھەلگرا باوەرناما زانستێن سیاسی و پەیوەندیێن نێڤدەولەتی یە و تنێ دو جاران سەرەدانا سووریێ یا کری.
