کچەک: من دڤیا ب ڕێکا سحرێ دلێ کوڕکی بۆ خوە ببەم
دلشاد عەبدوللا:
کچەکا ٢٥ سالی بو رۆژناما ئەڤرۆ دیار کر کو وێ حەز ژ کورەکی دکر، بەلێ وی چ هەست بەرامبەر وێ نەبون، لەوا ئەو نەچار دبیت پەنایێ بو دەف سحربازەکی دبەت داکو دلێ وی کوری بخو ببەت و گۆت: بەلێ سحربازی فێل ل من کر و خو بەرزە کر.
( ک. ن ) کچەکا ٢٥ سالیە گۆت: (بەری سالەکێ من گەنجەک د کاری دا نیاسی، کورەکێ گەلەک باش و خودان رێز بو، من گەلەک حەز ژ وی دکر و من دڤیا من بو خو بخوازیت، بە لێ وی چ هەستێن حەزژێکرنێ بو من نەبۆن، بتنێ ل سەر بنەمایێ کاری سەرەدەریەکا باش و جوان ل گەل من دکر، من ژی شەرم دکر بێژمێ کو ئەز حەز ژ تە دکەم). ڤیانا خۆ بو دیار کەم).
ڤێ کچێ گوتژی: (ئەس نەچار بوم بچمە دەف سحربازەکی کو ل ئێک ژ تاخێن بەرنیاسێن دهوکێ بو، پشتی ئە چویمە دەف و من چیروکا خو بو گوتی، من گۆتێ کارەکێ وەسا بو من بکە کو دلێ وی کورکی بکەڤیتە من و حەز ژ من بکەت، ئەڤی سحربازی گوتە من ئەز دێ وەل وی کەم کو ئەو تە بتنێ ببینیت و دێ وەسا تە د چافێن وی دا مەزن کەم کو ئەو گەلەک حەز ژ تە بکەت).
(ک، ن) زێدەتر گۆت: (سحربازی گۆتە من هەر تشتێ ئەز دبێژم تو دێ کەی، لەوا هەر کارەکێ ئەوی گوتبا من دکر، بەلێ بێ بەرامبەر نەبو هەر جارەکێ دو سەد دولار من دانێ پشتی ماوەیەکێ درێژ من پتر ژ دو هزار دولارا دانێ).
ڤێ کچێ د بەردەوامیا ئاخفتنێن خۆدا گۆت: (روژەکێ من تێلەفونی بو سحرکەری کر یا گرتی بۆ، ئەس چومە جهێ کارێ وی ل وێرێ نەبوو پشتی ماوەیەکی من زانی کو ئەو یێ هاتیە گرتن و کارێ وی سەردابرنا خەلکی بو، ئەز ژی ئێک ژ وان کەسان بوم و من نەزانی بو حالێ خۆ چ بکەم).
چارەسەری
خویشکا هێژا: مخابن مروڤ هند زوو باوەریا خو ب ڤان جورە کەسان بینیت، ژبەرکو چ راستی بو ڤان تشتا نینە، بتنێ سەردابرنە، تو بزاڤێ بکە ڤیانا خۆ بو وی دیار بکە، هەکە وی ژی هەمان هەست بو تە هەبن دێ تە خوازیت و هەکە نە، هەموو تشتا ب دووماهیک بینە و ئەڤە تشتەکێ سروشتیە و خو بێ بها نەکە تو ئافرەتی دڤێت سەنگا خوه ب پارێزی و خوه گەلەک سڤک نەکەی، ژیێ تە ژی نە هند یێ مەزنە و خۆ بێ هیڤی نەکە.
ژلایەکێ دیڤە سحر دیاردەکا ب مەترسیە د جڤاکی دا و گەلەک کەسا باوەری پێ هەیە و نها زور بەربەلاڤ بۆیە، لێ خو ژ ڤان جورە مروڤان دوور بێخن یێن بناڤێ شێخ و سحرباز خو دیار دکەن، ژبەرکو ژلایێ شەرعی و یاسایی ڤە ئەڤە کارەکێ نە دروستە و سزایێ خو هەیە، هەرچەندە ژلایێ یاسایی ڤە هەرێما کوردستانێ خودان یاسایا خو یا تایبەتە، لێ د ڤی سەردەمی دا چ یاسایێن تایبەت نینن ب تاوانا سحربازا، بەلکو دکەڤیتە دبن ماددێ 456 یێ سزادانا عێراقێ سزا ژی زیندانە کو ژ سێ هەیڤا حەتا پێنچ سالایە.
