کچ ب ئەڤان جۆرێن کوران سەرسامن!
ئەڤرۆ نیۆز،زنار تۆڤی:
هه‌موو گاڤا بەحس ل تایبه‌تمه‌ندیێن وان ژنان دهێتە کرن،یێن کو زەلام حەز ژێ دکەن و وان بڤێت ل گەل بژین و ژیانا هەڤژینیێ ل گەل پێک بینن،به‌لێ ڤێ جارێ دێ بەحسێ وان زەلامان کەین،یێن کو ژن ب دلنیایی حەز ژێ دکەن و وان دڤێن بکەنە هەڤبەشێ ژیانا خۆ.
ل بریتانیا ڤەکۆلینەك بۆ دیاركرنا وان زەلامان هاتیە ئه‌نجامدان،یێن کو ژن حەز ژێ دکەن و وان دڤێت بکەنە هەڤبه‌شێ ژیانا خۆ،هەروەسا ب شێوەیەکێ گشتی دەرکەفت ئه‌و زەلامێن ل دەف ژنان سه‌رنجراكێش و ئەو حەز ژێ دکەن ئەو زەلامن،یێن کو خودان هێز و زەند بن،ئانکو ئه‌و زەلامێن ماوه‌یه‌كێ باش ل هۆلێن له‌شجوانیێ کارکرینە و خودانێن جه‌سته‌کێ ب هێزن و ماسولكێن وان د دیار.
ئه‌ڤ ڤەکۆلینە ل سه‌ر چه‌ندین ژنان هاتینە ئه‌نجامدان،کو هه‌ر ئێکێ ژ وان 160 وێنێن زەلامێن جودا داینە ڤێ،هەروەسا جۆداهی ژی پێکهاتبوون ژ رەنگێ پیستی، قه‌له‌وی و لاوازیێ، كورتی و درێژیا بەژنێ، یاریکەرێن له‌شجوانیێ و جه‌ستێ ساده و چه‌ندین جۆرێن دیتر یێن جۆدا.
پشتی ئه‌نجامدانا وێ ئەزموونێ، ده‌ركه‌فت کو زۆرینه‌یا وان ژنان، وێنێن وان زەلامان ب دلێ وان بوون،یێن کو خودانێن جه‌سته‌کێ تژی و مل و زەندێن وان ب هێز،ئانکو ب گشتی ژنێن بریتانی ئه‌و جۆرێ زەلامان ب دلێ وان بوون،دیسا بۆ هه‌لبژارتنا هەڤبه‌شێ ژیانا وان ئه‌و وان زەلامان ب نموونه‌یی د دانن.
ژ بلی هندێ ژی، زۆربه‌یا هەلبژارتیان ئەو زەلام بوون،یێن کو خودان بەژنێن بلند نەیێن كورت، به‌لێ ب شێوه‌یه‌كێ گشتی زەلامێن بەژن بلند و ناڤنجی پتر ژ هەموویان هاتبوونە هه‌لبژارتن.
