کۆمان: بھێلن مێسی یێ ئازاد بیت
ئەڤرۆ،
چاڤەڕێ یە ئەڤرۆ دەمژمێر ١١ شەڤ یانا بەرشەلونا ببیتە مێڤانا یانا سیڤییا ژ چارچووڤێ ھەڤڕکیێن گەڕا پێش دوماھیا کاسا ئسپانیا بھێنەکرن لێ راھێنەرێ بەرشەلۆنا رۆنالد کۆمان یێ دلگرانە ژ دەنگۆباسێن دھێنە بەلاڤکرن لسەر ستێرا تیما وی لیونێل مێسی دناڤبەرا چوونا وی و گرێبەستێن گرانبوھا ژلایێ یانێن مانچسەر ستی یا ئنگلێزی و پاریس سانجێرمان یا فرەنسی و دخوازیت بابەتێ وی نە ھێتە تێکڤەدان ژبەرکو وی چو بڕیار نەداینە.
راھێنەرێ بەرشەلونا بۆ کەنالێ tve i یا ئسپانی گوت: ب دیتنا من بەلاڤکرنا دەنگۆباسان لسەر مێسی بتنێ مەرەم پێ کارتیکرنێ لسەر ئاستێ بەرشەلونا بکەن، ھەر کەسەک ئازادە بۆ نێڤسینا بابەتان لێ دڤێت ژێدەرێ دورست ھەبیت، مێسی یاریزانەکێ مەزنە و لڤێ دووماھیێ گەھشتیە وی ھزرێ کو بەرشەلۆنا بۆ وی چێترە ژ ھەر یانەکا دی، بھێلن یێ ئازاد بیت، گۆڤارا فرانس فۆتبۆل وێنێ مێسی ب درێسێ یانا فرەنسی جھێ حێبەتیێ یە گۆڤارەکا فەرمی ڤی کاری بکەت، ھەتا دووماھیا وەرزێ ئەڤ سالە دێ ل گەل مەبیت و من باوەری ھەیە نا چیت.
