کۆمبوونا روسیا و هێزێن سووریا دیموکرات نەگەهشتە چو ئەنجامەکێ
ئەڤرۆ نیوز:
سەفقان قامشلۆ چاڤدێرێ سیاسی یێ رۆژئاڤایێ کوردستانێ بۆ ئەڤرۆ نیوز دیار کر کو شاندەکێ هێزێن سووریا دیموکرات سەرەدانا روسیا کربوون و داخواز ژ روسیا کربوون ناڤبژیڤانیێ د ناڤبەرا وان و شامێ دا بکەت و گۆت: (شاندێ هێزێن سووریا دیموکرات داخواز دکر کو شام رێڤەبەریا خوەسەر یا باکورێ سووریێ ب فەرمی ناس بکەت).
ناڤهاتی راگەهاند کو ل گۆر زانیاریێن گەهشتینە من د کۆمبوونێ دا بەرپرسێن روسیا داخواز ژ هێزێن سووریا دیموکرات کرینە کو چەکێن خوە رادەستی رژێما سووریێ بکەن و ئەو یەک هاتیە رەت کرن، ژ بەر هندێ ژی کۆمبوونا هێزێن سووریا دیموکرات و روسیا نەگەهشتیە چو ئەنجامەکێ.
