کۆمسیۆنێ پارە بۆ ریفراندۆمێ وەرگرت
ئەڤرۆ نیۆز،زنار تۆڤی:
حوکمەتا هەرێما کوردستانێ ئێکەم برەیا پارەی بۆ ئەنجامدانا ریفراندۆمێ ئێخستیە سەر هژمارا بانکی یا کۆمسیۆنا هەڵبژارتن و راپرسیێ ل هەرێما کوردستانێ و ئەو برا پارەی ژی شەش ملیۆن دۆلارن.
هندرین محەمەد سەرۆکێ ئەنجۆمەنێ بلند یێ کۆمسیۆنا
سەربەخۆیا هەڵبژارتن و راپرسیێ ل هەرێما كوردستانێ بۆ رووداوێ گۆتیە:وەزارەتا دارایی وەك قۆناغا ئێکێ برەیا 6 ملیۆن دۆلاران وەك سولفە بۆ ئامادەكاریکرن و ئەنجامدانا ریفراندۆمێ دایە كۆمسیۆنێ.
ئەو ژی گۆتیە:بۆ ئەنجامدانا ریفراندۆمێ و هەردو هەڵبژاردنێن پەرلەمانی و سەرۆكایەتیا هەرێما كوردستانێ مە داخوازا 37 ملیار دیناران م حوکمەتێ كرینە، 20 ملیار دینار بۆ ریفراندۆمێ و 13 ملیار دینارێن دی بۆ هەردو هەڵبژاردنان، بەلێ هەتاکو نوکە رەزامەندی ل سەر پێدانا هەموو پارەیان نە هاتیەدان، بتنێ بۆ ئامادەكاریا ریفراندۆمێ وەك سولفە 6 ملیۆن دۆلار داینە كۆمسیۆنێ.
