کۆنسێرتا لەیزینا عۆدا چار ل پەیمانگەها هونەرێن جوان – دهۆك هاتە ئەنجامدان
زاخۆ، دلۆڤان هالۆ:
مامۆستا باوەر حاجی، سەرپەرشتێ کۆنسێرتا لەیزینا عودا 4 د دیدارەکێ دا بۆ ڕۆژناما ئەڤرۆ دیارکر کو د کەشوهەوایەکێ تژی ژ هونەر و مۆزیکێ دا، پشکا مۆزیکێ ل پەیمانگەها مە یا هونەرێن جوان – دهۆك کۆنسێرتا لەیزینا عۆدا 4 ل هۆلا پەیمانگەهێ ئەنجامدا، و ئەڤ جۆرە کۆنسێرتە ب مەرەما بلندکرنا ئاستێ قوتابیان و چاوانیا ژەنینێ ل سەر دەپێ شانوویێ دهێنە ئەنجامدان.
ناڤهاتی ئاماژە ب وێ چەندێ ژی کر کو ئەو مۆزیكژەنێن ب ژەنینا ئامیرێ عودێ پشکداری دڤێ کۆنسێرتێ دا کرین پێکهاتیبوون ژ من و مامۆستا حەسەن ئەحمەد و قوتابیان ئۆمێد یوسف و ئامەد وەحید و پەهلەوان ڕەمەزان و یوسف ئیحسان و دلوار جاسم و زنار ڕەجەب.
سەرپەرشتێ کۆنسێرتێ گۆت:»ئەو مۆزیکژەنێن دڤێ کۆنسێرتێ دا ئامیرێ گیتارێ دژەنین مستەفا ڕزگار و هاکوب باسل بوون، و ریتم ژ لایێ ڕەسەن محەمەد سالح و ڕێدار نسرەت بوو، و برگەیێن ژەنینا مۆزیكێ و ئاوازدانەرێن وان ب ڤی شێوەیی بوون، کەلەشۆ فۆلكلور، هۆی زەریێ فۆلکلۆر، ئەڤ گۆڤەندە عەبدولرەحمان حاجی، خورتیێ نەکن عەبدولعەزیز سلێمان، بێژه من کێ تو سل کری شێرزاد محەمەد سەعید، دل تە تەرخانکر عەبدولرەحمان حاجی، سەمایێ کورد باوەر حاجی، لۆبەردە فۆلکلور، چۆخێ منۆ فۆلکلور، تلێ نەکەن چ گۆستیرا ئیسماعیل جمعە، تو وەرە نوکە نوکە تەحسین تەها، هەی نار حەسەن زیرەك، ئەز کەچکەك گۆندی مە شڤان پەروەر،
باژێڕێن نێرگزا نەسیر شەمە، زارا فۆلکلور، کەڤۆکم حەسەن جزیری».
گۆت ژی:»سۆپاسیەکا بێ وێنە پێشکێشی کارگێریا پەیمانگەها هونەرێن جوان – دهۆك دکەین، ب تایبەت پشکێن مۆزیك و شانۆ و شێوەکاری بۆ پشتەڤانیا وان یا بەردەوام، هەر دیسان دەستخۆشییەکا تایبەت بۆ هەڤکار و هەڤالێن مە وەکو مامۆستا مێهڤان ئەمین سەرۆکێ پشکا مۆزیکێ و مامۆستا ئاری کاوە و مامۆستا شڤان نعمەت».
زێدەتر ژی گۆت:»سۆپاسیەکا تایبەت بۆ سپۆنسەرێ ڤێ کۆنسێرتێ کەنالێ وار تیڤی و هەموو ئەو هونەرمەند و مامۆستا و قوتابیێن ب ئامادەبوونا خوە ڕەنگەکێ جوان دایە کۆنسێرتێ».
