کێشێن هەلەبجە لایەنێن سیاسی کۆمکرن
ئەڤرۆ نیۆز، عەزیز رەسول هەورامانی:
ئەڤرۆ هەموو لایەنێن سیاسی یێن کوردستانی ل پارێزگەها هەلەبجە ل بارەگەهێ ئێکگرتویا ئیسلامی کۆمبوون،د وێ کۆمبوونێدا بەحس ل دروستنەکرنا ئەنجومەنێ پارێزگەهێ و نەبوونا خزمەتگوزاریا و کۆچکرنا خەلکێ پارێزگەها هەلەبجە بۆ باژێرێن دیتر یێن کوردستانێ هاتەکرن.
شێخ حەسەن عەبدولا، بەرپرسێ مەلبەندێ پێنج یێ ئێكگرتوو راگەهاند:ئەڤە ماوەیەكە كو لایەنەنێن سیاسی یێن هەلەبجە كۆمنەبووینە،لەورا مە بباشی زانی زەمینێ سازبكەین بۆ ئەنجامدانا كۆمبوونەکێ و بەری نوکە مە وەكو ئێكگرتوویا ئیسلامی سەرەدانا سەرجەم لایەنێن سیاسی كریە بۆ بانگهێشتکرنا وان بۆ ئەنجامدانا كۆمبوونەکا بەرفرەه ل سەر ئاستێ بلند یێ لایەنێن سیاسی ل هەلەبجە.
گۆت ژی:بابەتێ سەرەکی کوچکرنا خەلکێ هەلەبجەیە بۆ باژێڕێن دیتر،ئەڤ حالەتە ل جهێن دیتر ژی هەیە،لێ ل گەل ئاستێ خزمەتگوزاریان و پێدڤیێن وان كو پێدڤیە بۆ خەلکێ ڤی باژێری بهێتە جێبەجێكرن،هەروەسا بەحسێ بارودۆخێ ئیدارا پارێزگەهێ ل سەر بابەتێ پێكنەئینانا ئەنجومەنی و ئێكلایی نەكرنا پۆستێن رێڤەبەرێن گشتی یێن پارێزگەهێ هاتەکرن.
گوت ژی:مە بریاردایە کو د ڤێ کۆمبوونێ دا هەر بریارەکا بهێتەدان،هەموو لایەنێن سیاسی ل دووڤ وان دەستهەلات و ئەرکێ ل سەر ملێن مە دێ کەین ژبۆ چارەسەر کرنا کێشێن هەلەبجە.
