کێمکرنا رێژا کوتا پێکهاتان لەکەدارکرنا ئیعتبارا هەرێمێ و لێدانا قەزیا کوردیە
مێژویا پێکڤەژیانا نەتەوە و ئاین و ئاینزایان لـ کوردستانێ، مێژو و رێهـ و ریشالێن کەڤنار هەیە، و ئێک ژ فاکتەرێن سەرەکی یێن پێشکەفتنا دوزا رەوایا گەلێ کوردستانێ و بایەخ پێدانا کومەلگەهێن نیڤدەولەتی بو هەرێما کوردستانێ، تابلویا پێکڤە ژیانا ئاشتیانەیا نەتەوە، ئاین و ئاینزایێن جوراوجور، سیستەمێ کوتایا پێکهاتان بـ رێکا یاسا، بەرجەستەکرنا بەشداریی و مافێ هەمی نەتەوەێن دگەل مە دا دژین، سەقامگیری، پەروەردا جڤاکی و کو ژ ئەنجامێن سیاسەتێن ژێرانە و دروستێن سەروکێ هەرێما کوردستانێ و حکومەتا هەرێمێ ڤەدگەریت، و ئەڤ دەستکەفتە بـ هەروەی نەهاتینە، بەلکو ژ سالها سال کارکرن و خەباتا بێ راوەستیانا بزاڤا رزگاریخوازا گەلێ کوردستانێ بـ رێبەراتیا سەرکردەی شورەشێ بارزانیێ نەمر و بەشداریا راستەقینەیا پێکهاتان د خەبات و بەرخودانا وەلاتی و بـ فەرهەنگی کرنا پێکڤەژیانا نەتەوەی، ئاینی بـ ئاشتیانە بویە.
هەولێن راستڤەکرنا یاسایا ژمارە 1 یا سالا 1992 یا هەلبژاردنێت پەرلەمانێ کوردستانێ هەولەکا دەستکرد و بێ بنەما و لێدانا پرسا دیموکراسییە لـ هەرێمێ.
د راستڤەکرنا پروژە یاسایێ دا هاتیە، پێدڤیە بو هەر کورسیەکێ پەرلەمانی بەربژێرێ پێکهاتان 25% ژ دەنگان بدەستڤە بینیت،
و د مادەیەکا دی ژ وێ یاسایی هاتیە، ئەگەر چ کاندیدێن پێکهاتان ئەڤ رێژە بدەستڤە نەئینا، دێ سێ کورسی بو کریستیانا، و ٣ کورسی بو تورکەمانا لـ گور دەنگان دێ هێتە دابەشکرن.
و لـ گور ڤێ یاسایی نوینەرێ ئەرمەنان ئوتوماتیکێ کورسیێ پەرلەمانی نەشێن بدەستڤە بینن و ژ سەرجەمێ 11 کورسیێن پەرلەمانی تەنها 6 کورسی بو پێکهاتان دێ هێتە تەرخانکرن.
بـ دیتنا من ئەڤە مەرجێن تعجیزینە و عقلیەتا دارێژەرێن ڤێ یاسایایێ کو بـ مەبەست و پلان رێژیەکا نالوژیکی و خواندنەکا ناواقعی بو هەرێما کوردستانێ و شارەزا نەبونا وان د سیاسەتا گشتی و نیڤدەولەتی و حوکمرانی و رێڤەبرنا وەلاتی دا دگەهینیت، دانانا ڤان مەرجان دژایەتی کرن ماف و بەرەف پاش ڤە برنا ئەزمونا پرشەنگدارا ژیانا ئاشتیانە و دیموکراسیە و لەکەدار کرنا ئعتبارا هەرێما کوردستانێ و لێدانا قەزیا کوردییە یە لـ جیهانێ.
پێدڤیە هەمی کوردستانی و رایا گشتی دژی ڤان هەولێن نەزوك بهێنە دەنگ و قەبول نەکەن دیموکراسیەت کو هەڤینێ پێشکەفتن و ئارامیا کوردستانێ یە بەرەف پاشڤە بچیت.
جێگرا سه‌رۆكا فراكسیۆنا پارتی ل په‌رله‌مانێ كوردستانێ
