کەس د ھەوارا نووژەنکرنا جادا کومەلگەھا هيزاوا ناچیت
ئەڤرۆ نیوز، عەلی حاجی:
کیلومەترەکا جادەیا کومەلگەھا هيزاوا تێک چوویە و ھاولاتیێن مالێن وان دکەڤنە سەر وێ جاددێ بۆ ماوێ چەندین جاران داخازا نوژەنکرنا وێ کرینە لێ ھەتا نوکە چو پێنگاڤ بۆ دروست کرنا وێ جاددێ ژلایێ لایەنێن پەیوەندیدار نەھاتینە پێش.
شڤان عیسا وەلاتیەکێ کومەلگەھا ھیزاوایە بۆ ئەڤرۆ نیوز دیار کر درێژاھیا کیلومەترەکێ جاددێ ژ کارکەفتیە و مە دەنگێ خوە چەندین جاران گەھاندیە باژێرڤانیا ناحیا دەرکارێ و لاینێن پەیوەندیدار ل زاخۆ لێ ھەر ئێک تشتەکێ دبێژت و مە داخاز نەکری یە وێ جادەیێ ھەمیێ راکەن و جارەکادی ئێکادی بدانن ، بتنێ داخازیا مە ئەوە وێ جادێ نووژەن بکەن ژ بەرکو زەرەرەکا مەزن ل ترومبێلن مە کریە.
وی ھاولاتی گوت ژی : ھاتن و چوونا چەندین مالان و قوتابیێن قوتابخانەیەکا سەرەتایی و ھاولاتیێن مەسیحی دکەڤیتە سەر وێ رێکێ لێ ھەتا نوکە چو کەسەکێ خوە ل مە نەکری یە خودان و ئەو جاددەیە نووژەن نەکری یە ، ھەر دیسان ژی ل دەمێ بارینا بارانێ ئاڤەکا زور ژ دەرکارێ دھێتە سەر وێ جادەیێ و دگەھیتە وی رادەیی زاروکێن وی تای نەشێن بچنە قوتابخانێ.
