کەس نەشێت پاریس سانجێرمان راوەستینیت

ئەڤرۆ نیۆز،زنار تۆڤی:

د خولا فرنسا دا یانا پاریس سانجێرمان یا بەردەوامە ل سەر ئەنجامێن خۆ یێن باش و ڤێ جارێ ژی ب ئەنجامەکێ مەزن ژ یانا ئانجی بریە.

پشتی بورینا پێنج خولەکان ل سەر یاریێ،کلیان ئێمباپێ گۆلەک بۆ پاریسێ تۆمارکر،هەروەسا ل خولەکا 14 دا یولیان دراکسلەر گۆلا دویێ تۆمارکر،د خولەکا 30 ئیدینسۆن کاڤانی گۆلا سییێ بۆ یانا خۆ تۆمارکر.

د گێمی دویێ دا و ل خولەکا 60 کاڤانی گۆلەکا دی تۆمارکر و ئەنجام کرە چار گۆلێن بێ بەرامبەر،هەروەسا ل شەش خولەکێن بەری ب دوماهی هاتنا یاریێ کلیان ئێمباپێ جارەکا دی تۆرا یانا خودان یاریگەه هەژاند و گۆلا پێنجێ و دوماهیێ تۆمارکر و یاری ب پێنج گۆلێن بێ بەرسڤ بریە.

هەروەسا ب ڤێ سەرکەفتنێ یانا پاریسی پێشەنگی موکومتر لێکر و ب 29 خالان ل پلا ئێکێ دا مایە.

کۆمێنتا تە