کەلوپەلێن شەهید لەیلا قاسم ل مۆزەخانا نیشتمانیا بارزان هاتنە نیشادان
كەرەستەیێن تاییەت یێن شەهید لەیل اقاسم، كو ژییێ وان پتری 50 سالایە گەهشتنە بارزان و ل مۆزەخانا شەهیدێن رێكا نیشتمانی هاتنە دانان.
د رێورەسمەكێ دا ل ئاڤاهیێ رێڤەبەریا شەهید و ئەنفالكریێن بارزان كەرەستەیێن شەهید لەیلا قاسم هاتنە دانان، ڤەگوهاستنا كەرەستەیێن تایبەتێن شەهید لەیلا قاسم ب هەڤكاریا د. ئەشواق جاف بوو، ئەنداما كۆمیتەیا ناڤەندیا پارتی و بەرپرسا لقێ پێنجێ پارتی دیموكراتی كوردستان ل بەغدا و گۆت: “پشتی پەیوەندیێن بەردەوام ل گەل مالباتا شەهید لەیلا قاسم و باوەریا تەمام ب پیرۆزیا خوینا شەهیدێن بزاڤا رزگاریخوازا كوردستانێ كەرەستەیێن تایبەت یێن شەهید لەیلا قاسم، كو ژییێ وان 50 سال پترن، ل مۆزەخانا شەهیدێن رێكا نیشتمان ل دەڤەرا بارزان هاتنە دانان”.
بەرپرسا لقێ پێنجێ پارتی ل بەغدا و شاندەكێ د گەل دا، سەرەدانا دەڤەرا بارزان كر و ژ لایێ رێبوار رەمەزان بارزانی، رێڤەبەرێ مۆزەخانا شەهیدێن رێكا نیشتمان پێشوازی لێ هاتە كرن و خوەشحالیا خوە دەربری ب نیشادانا كەرەستەیێن شەهید لەیلا قاسم د ناڤ مۆزەخانەیێدا دەربڕی.
شەهید لەیلا قاسم، ئێكەم ئافرەتا رۆژهەلاتا ناڤین بوو و چارەم ئافرەت بوو ل سەر ئاستێ جیهانێ، كو حوكمێ سێدارەدانێ ب سەردا هاتیە بجهكرن، ژ بەر بەرەڤانیكرن ژ دۆسیا نەتەوەیی و ب دەستڤەئینانا ئازادیێ و مافێن راوایێن گەلێ خوە، شەهید لەیلا قاسم ل سالا 1952 ل خانەقین ژ دایكبوویە و ل سالا 1974 ل بەغدا هاتە سێدارەدان.