کەمپەک بۆ ڤەگوھاستنا ئاوارێن د ھەیکەلان ڤە ھاتە ڤەکرن
ئەڤرۆ:
بریارە ئەڤرۆ 2015.2.2 ب ئامادەبوونا دەزگایێ رەوانگە یێ خێرخوازی و مرۆڤایەتی و بەرپرسێن حوکمەتێ ل پارێزگەھا دھۆکێ و قونلسێن ھژمارەکا وەلاتان و نوونەرێن رێکخراوێن جڤاکێ مەدەنی و نەتەوێن ئێکگرتی سێ هزار کەرەڤان ل کەمپا قادیا ل گەلیێ زاخو بھێنە ڤەکرن.
بەرپرسێ راگەھاندنا دەزگایێ رەوانگە یێ مرۆڤایەتی و خێرخوازی زیرەک ژێدار بۆ رۆژناما ئەڤرۆ دیارکر کو پشتی ژ لایێ دەزگایێ وان ڤە سێ هزار کەرەڤان ب ھەموو کەلوپەلێن ناڤمالێ ڤە لێ ھاتینە دانان بریارە ئەڤرۆ بھێتە ڤەکرن، گۆت ژی ئەڤ کەرەڤانە ب شێوەکێ ئەندازیاری و تەندرستی ھاتینە چێکرن و دناڤ ڤێ کەمپێ دا دو قوتابخانە و بنگەھەکێ ساخلەمیێ و پارکەکێ گشتی و پارکەکێ یاریێن زارۆیان ھاتینە چێکرن.
زیرەک ژێدار ھەروەسا گۆت ئەڤرۆ ل دەمێ ڤەکرنا کۆمەلگەھێ دێ کلیلێن 200 کەرەڤانان ھێنە دان بۆ خێزانێن ئاوارە و یێن دیتر ژی کو دێ بنە سێ هزار خێزان ئەوێن ل کاڤلا و جھێن گشتی یێن باژێرێن زاخۆ و دھۆکێ دێ ھێنە ڤەگوھاستن بۆ ڤێ کەمپێ.
کەمپا قادیا دکەڤیتە دەرێ گەلیێ زاخۆ و سەر ب قەزا سێمێلێ ڤەیە و کارگێریا پارێزگەھا دھۆکێ ژی هزار کەرەڤانان ل وێ کەمپێ ددانیت.
