کەنگی خوارن دبیتە ئەگەرێ ژەهرەبوونێ؟
تایبه‌تمه‌نده‌كا خوراكیێ ل پارێزگه‌ها دهۆكێ دیاركركو پلا گه‌رماتیێ گه‌له‌ك كارتێكرنه‌كا خراب ل سه‌ر خوارنێ دكه‌ت، نه‌خاسمه هه‌كه خێزانه‌ك ئاڤك و برنجێ چێكه‌ت بۆ ده‌مێ دو رۆژان یان رۆژه‌كێ ژی بمینیت یا باش نینه، چونكو پله‌یێن گه‌رمێ گه‌له‌ك د بلندن و دێ زیانێن ساخله‌میێ ژێ په‌یدابن.
د. هه‌لات سالح مه‌جید، تایبه‌تمه‌ندا خوراكیێ دیاركر كو بلندبوونا پلا گه‌رماتیێ دبیته ئه‌گه‌ر به‌كتریا پتر كارێ خوه بكه‌ت دناڤ خوارنێ دا و ئه‌ڤه بیته ئه‌گه‌ر خوارن خراب دبیت، ژبه‌ركو به‌كتریا د هاڤینێ دا زووتر كار دكه‌ت و هه‌كه خوارن بمینیت به‌كتریا زوو دناڤدا به‌لاڤ دبیت، ئانكو دڤى وه‌رزێ سالێ دا ژبه‌ر بلندبوونا پله‌یێن گه‌رماتیێ به‌كتریا زوو ب زوو گه‌شه دكه‌ت وبه‌لاڤ دبیت دناڤ خۆارنێ دا له‌ورا ژى ئاموژگاریان ل خه‌لكێ خوه دكه‌ین ده‌مێ چێكرنا خۆارنێ د هــشیاربن وخوارنا نیڤرۆ هندێ بشێن بۆ ئێڤارى نه‌هێلن، یانژى خوارنا ئێڤارى نه‌مینیت بۆ رۆژا پاشتر، ژبه‌ركو مه‌ترسى هه‌یه و خوارن خراب دبیت.
تایبه‌تمه‌ندا خواركیێ ئاشكرا كركو به‌كتریا د ناڤ خوارنێ دا ل گه‌رمێ زێده دكه‌ت و ئه‌ڤه باش نینه گه‌له‌ك كارتێکرن ل سه‌ر خوارنێ دهێته كرن، هه‌كه وه‌لاتیه‌ك بخۆت دبیت تووشى دلرابوونێ بیت ئه‌ڤه ژى بۆ ساخله‌میا مرۆڤی باش نینه .
د. هه‌لات سالح ئه‌وژى نه‌ڤه‌شارت و گۆت: پێدڤیه كابانیێن مالان خوارنێ ل به‌ر هه‌تاڤێ نه‌هێلن هه‌رده‌مێ جۆره‌كێ خوارنێ بمینیت باشترە ئیكسه‌ر بهێته هه‌لگرتن دناڤ سەلاجێ دا، ئه‌وژى هه‌كه كابانیێن مالان بزانن بۆ ده‌مێ 24 ده‌مژمێران خوارن ژده‌رڤه‌ى سه‌لاجێ ناهێته خوارن، باشتره وێ خوارنێ وه‌سا ناڤ سەلاجى دا هه‌لگرت ئه‌و خوارن ببیته جه‌مه‌د، چونكو هه‌كه نه‌بیته جه‌مه‌د و بهێته گه‌رمكرن ودێ زیانێ ل ساخله‌میێ كه‌ن.
ناڤهاتى ئاماژه دا وێ چه‌ندێ ژى كو هه‌كه خۆارن یا گه‌رم بیت ناڤ سەلاجێ دا بهێته هه‌لگرتن ئه‌وژى دێ كارتێكرنێ كه‌ت نه‌خاسمه هه‌كه هنده‌ك جۆرێن دێ یێن فێقى و خوارنێ دناڤ سەلاجێ دا بن له‌ورا باشتر خوارن ب گه‌رمی نه‌هێته هه‌لگرتن، چونكو به‌كتریا پتر رێیا خوه دبینیت و دناڤ خۆارنێ دا كار دكه‌ت و زیانێ دروست دكه‌ت له‌ورا ژى ئه‌م دگه‌لدا نینن خوارن گه‌له‌ك بهێنه هه‌لگرتن دوه‌رزێ هاڤینێ دا.
د. هه‌لات سالح مه‌جید، خۆیا ژى كركو: خه‌لك خۆارنى ل به‌ر گه‌رمێ دهێلن له‌ورا ژى وه‌رزێ هاڤینێ دا پتر ژه‌هراویبوون د ناڤ خه‌لكى دا دروست دبیت.
