کەنگی دێ بێژین پەرستار فریشتەیێن دلۆڤانیێ نە؟
دڤێت ئەڤ مەرجە مەهەبن:
-1 رێزگرتنا نەساخا ل هەر رەگەز و ئاینەکی و ئاکنجیێ هەر وەلاتەکی بیت.
-2 کەس و کارێ تەبیت یان بیانی بیت بێ جوداهی کارکەی.
-3 کەسایەتیا خۆ ب پارێزی و خودان رەوشت بی.
-4 نهێنیێن نەخۆشی و کەسوکارێن وی پارێزی.
-5 نەخۆشان لێکجوداکەی ئەوێن حالەتێ وان نەباش جهەکێ ئارامتر بو دابینکەی.
-6 نەخۆشێن ئێشێن ڤەگر هەین جودابکەی و لایەنێن پەیوەندیدار و هەڤالێن خۆ یێن کاری ئاگەهداربکەی.
-7 ب رێکێن زانستی پروسیجرێن خۆ ئەنجام بدەی بو نەخۆشی.
-8 دەرمان ل دەمێن وان بهێنەدان بو نەخوشا و کەمیێن دەرمانی و رێکا دانا دەرمانی د دروستبن.
-9 هەر دەرمانەکێ بدەیە نەخۆشی سەحکەیە ئێکسپایرا دەرمانی و رێکا دانا دەرمانی و کەمیا دەرمانی.
-10 ئیلتزامکرن ب دەمێ دەوامێ و هاتن و چوون یادرست بیت ل دویف خشتێ دەواما روژانە.
-11 هەمی پێدڤیێن تە دگەلتەبن دەمێ دچیە دەف نەخۆشی سلاڤ کەیە نەخۆشی و باشترە ناڤێ نەخۆشی بێژی داپتر ئارامبیت ژلایێ دەرونیڤە و دەمێ خاترخاستنێ بێژیێ تو گەلەکێ باشی خودێ شفایێ بوتەفرێکەت.
-12 جلکێن دەوامێ سەروبەربن و پاقژ و ئێک رەنگ بن نەوەکی (دوندورمێ) هەمی رەنگ تێدابن.
-13 رێزێ ل هەڤکارێن خۆ بگری و هەڤالێن خۆ نەشکێنی لدەف نەخۆشی هەتا خۆ بلندکەی.
-14 دەوامێ نەهێلە هەتا بهەمی کەلوپەل و نەخۆش ڤە تەسلیمی هەڤالێ خۆ دکەی.
-15 چ جارا خو ب کێم نەزانە و نەهێلە ئاخفتنا ئێکی سەر یاتەدابیت و هەردەم راستگۆبە داسەرکەڤی.
-16 کەلوپەلێن نەخوشخانێ بپارێزە هەولبدە کێمترین خەرجی بهێتەبکارئینان بو نەخوشان، کەسەکێ ئابوری بە و تشتێن زێدە بوو نەخۆشی نەنڤیسە، چێدبیت بارێ دارایێ نەخۆشی یێ باش نەبیت.
-17 دەمێ تەکارەک هەبیت یان درەنگ بهێیە دەوامێ هەڤالێن خۆ ئاگەهداربکە.
-18 هەردەما نەخۆشی یان کەسوکارێن نەخکشی کارەک ب تەهەبوو نەبێژێ ما تو نزانی بکەی یان تو بکە ب زویترین دەم هەرە چنکی ژیان ب چرکایە.
-19 ئەگەر تەتشتەک یانژی نیشانەک ل نەخۆشی دیت نوژدارێ وی ئاگەهداربکە، چونکی تو پتری نوژداری دگەل نەخوشی دایی.
-20 چ جارا خۆ دگەل نەخۆشی و کەسوکارێن نەخۆشی توڕە نەکە و هەردەم رێنمایان ب دێ چاوا خارنێ بدەنێ و چ خارن بدەنێ، روژێ چەند جارا بدەنێ، چەند ئاڤێ بدەنێ، چ جورێن فێقی و کەسکاتی بدەنێ و چاوا بدەنێ، هەردەم رێزێ ل پرسیارێن نەخۆشی بگرە.
