کەنگی کارەب بۆ نەخۆشێن دەروونی دھێتە بکارئینان و بۆچی؟
ئه‌ڤرۆ نيوز:
تایبەتمەندەکێ نەخۆشیێن دەروونی ل دھۆکێ دیارکر کو چارەسەریا ب ریێا بایلوژی ئانکو فیزیکال ب ریێا دەرمانان دھێتە کرن و چارەسەری ب ریێا کارەبی ژی دھێتە کرن ئەڤ ریێا چارەسەریا کارەبێ خەلک گەلەک ھزرا ل سەر دکەن چونکو ناڤی وێ یێ ب ترسە، خەلک وەسا ھزر دکەن دێ نەخۆشی کارەب کەین دێ سەرێ نەخۆشی دەینە بەر کارەبێ وەسا نینە، بەلکو ئامیرەک ھەیە فولتیێن کارەبێ گەلەک کێم دکەت ئەم وێ ئامیری ددانینە سەر سەرێ نەخۆشی، ژ لایەکێ ڤە کارەب دچیتە ژوور و لایەکێ دێ دەردکەڤیت، ئەو کارەب د مێشکی را دچیت، ئەو جھێن دەماغێ یێن تیکچووین دروست دکەت.
د. پەرچان تایبەتمەندێ نەخۆشیێن دەروونی ل دھۆکێ بۆ نوش نیوز دیارکر کو کارەبکرنا مێشکێ نەخۆشی ھیچ زیانەکێ ناگەھینیتە نەخۆشێ و پەنجا گشتی بۆ نەخۆشی دھێتە دانان ھەر وەکو ئێک نشتەرگەریەکا سڤک بکەت وەکو رووڤیکا کورە یان نشتەرگەریەکا دێ یا سڤک وەسا ژی پەنج دھێتە دانان بۆ نەخۆشێ دا کو ئاگەھـ ژ چوو نەبیت ھەتا دھێتە چارەسەرکرن نە وەکو د فلما دا یێ خەلک دبینن ھندەک فلمێن بیانی ھەبوون دەمێ کەسەک ئەشکەنجە دابان، کارەب دکرن، بەلێ ئامیرێ مە یێ چارەسەریێ یێ وەسا نینە، بەلکو نەخۆش مفایەکێ مەزن ژی دبینت بۆ چارەسەریێ.
ئەو ژی دیارکر کو بکارئێنانا کارەبێ بۆ چارەسەریا مێشکی ساخلەمترە ژ دەرمانیێن کیمیاوی چونکو ناچتە د ناڤ کولچیسک و میلاکێ دا بۆ نەخۆشیا خەمۆکی و شیزوفیرینا و تیکچوونا گێولێ نەخۆشی ئەوێن گێولێ وان گەلەک فۆل بیت و لیڤینی دکەن ھەکە دەرمان فایدە نەکەت ژنوو کارەب دھێتە بکارئێنان ئەگەر حالەت گەلەک دژوار بیت نەخۆش بزاڤیێن خوە کوشتنی بکەت ئەم نەشێین خوە ل ھیڤیێ بگرین ھەتا دەرمان چارەسەر دبیت بۆ ڤان حالەتان کارەب دھێتە بکارئینان چونکو رێیەکا ب لەزە بۆ چارەسەریێ.
د. پەرچان ئاشکرا کر کو ئەو نەخۆشێن زادی ب ئێکجاری نەخۆن و شیزوفیرینا ھەبیت ھەولێن خوە کوشتنێ بکەت یان ھەولێن کوشتنا کەسەکی بکەت ھەتا د نەخۆشخانێ ژی ڤە بیت ب ریێا کارەبێ ئەو دھێتە چارەسەرکرن ھیچ مەترسیەک ل سەر ژیانا وی نینە، بەلکو بەروڤاژی ئەو ھزرێن شاش یێن خەلک ژی بەحس دکەن، نەخۆش گەلەک مفایێ ژی دبینیت.