کەپسولەکا ئەلکترونی ناھێلیت تو سەرەدانا دختوری بکەی
ئه‌ڤرۆ نيوز:
ژ وێ پێشکەفتنا مەزن یا نوکە د تەکنولوژیایێ دا پەیدا بوویی، گەلەک بیاڤ ب رێیا تەکنولوژیایێ دشێن خزمەتێن باشتر و چارێن باش پێشکێش بکەن، ئێک ژ وان چارێن نوو کەپسولەکا ئەلکترونیە دشێت رەوشا تە ساخلەمی شروڤە کەت.
ئەڤ کەپسولا ئەلکترونی ناھێلیت تۆ سەرەدانا دختوری بکەی، ئامیرەکێ تەکنولوژی یێ گەلەک بچیکە پێشکێشی کونگرێ زانستی ل بوستنا ئەمریکی کر بوو ب رێیا تیمەکێ ڤەکولەران ژ پەیمانگەھا ماساتشوستس یێ تەکنولوژی ب ھەڤکاری دگەل نەخۆشخانا ژنان ل بریجھام.
ئەڤ کەپسولە ب ناڤێ گولا زیڤیە “Silver Bullet”، پاشی دھێتە داعویران و دێ کارێ خوە کەت ھە وەکو پاتریا لەیمونێ کارێ خوە دکەت، ئەو ترشاتیا د گەدەی دا ھەی دھێتە بکارئینان داکو بکەتە وزە و دێ ئاماژا دەتە ساخلەمیا لەشی کا د چو رەوش دایە.
ئێکەم جار ئەڤ کەپسولە ل سەر گیانەوەران ھاتە تێستکرن و شیان پێزانینان ب دەست خوە بێخن وەکو گەرماتیێ و لێدانا دلی.
د گرنگترین بکارھێنەرێن ڤێ کەپسولێ کەسێن دانعەمرن، ئەڤ کەپسولە دێ نێزیکی حەفتیەکێ مینتە د لەشێ مرۆڤی دا بەری ب دەرکەڤیت، د ڤی ماوەی دا بەردەوام دێ چاڤدێریا رەوشا ساخلەمیا دانعەمری کەت و دێ داتایان دەتە تەلەفونا ژیر.
