گاره شیانێن هه‌ڤڕكیێ بۆ پلا نایاب نینن
ئه‌ڤرۆ،
د داخویانیه‌كێدا سه‌رۆكێ یانا گاره یا وه‌رزشی بۆ رۆژناما ئه‌ڤرۆ دیاركر كو بۆ وه‌رزێ نوو یێ خولا پلا ئێكا كوردستانێ تیما ته‌پا پێی لدووڤ شیانا به‌رهه‌ڤیێن خوه كرینه و ئارمانجا كارگێریێ مانه د خولێ دا لێ كادرێ راهێنانێ بۆ هه‌ڤڕكیێ د رژدن.
زێده‌تر شێروان بشار گوت: هه‌رچه‌نده هیڤی و ئۆمێدن هه‌ر یانه‌كێ یه هه‌ڤڕكیێ بوو ناسناڤێ قاره‌مانیێ بكه‌ت و ئه‌م خوه ره‌شبین نابینین لێ ژبه‌ركو كاودانێن مه یێن دارایی د باش نینن و شیان نینن هه‌ڤڕكیێ بۆ پلا نایاب بكه‌ین به‌روڤاژی وێ كادرێ راهێنانێن ب هیڤیێن مه‌زن رژدن نه بتنێ پشكداربن به‌لكو هه‌ڤڕكیێ ژی بكه‌ن، له‌ورا وه‌كو كارگێری دێ پشته‌ڤانبین و یا دشیان دا بیت بۆ به‌رهه‌ڤكه‌ین ژبه‌ركو یا گرنگ بوومه مانا تیمێ یه د پلا ئێك دا و هه‌كه مه پشكداری نه‌كربا ژلایێ ئێكه‌تیا ته‌پاپێی یا كوردستانێ تیما مه دا پاشڤه چیته پلا دو.
بۆ زانین 19 یانه پشكداری وه‌رزێ نوو یێ پلا ئێك بووینه و هاتینه به‌لاڤكرن لسه‌ر دو كۆمان، قاره‌مانێ هه‌ر كۆمه‌كێ دێ ده‌ربازبیته پلا نایاب و تیما دووماهیێ یا هه‌ر كۆمه‌كێ پاشڤه‌چیته پلا دو، چار یانێن پارێزگه‌هێ د كۆما ئێكێ دا پشكدارن، یاریا ئێكێ ل ده‌ستپێكا هه‌یڤا بهێت بڤی ره‌نگی هێنه كرن، شورجه- گاره، ئاكرێ- برۆسك، پێشه‌سازی- سێمێل، به‌رده‌ره‌ش- خاك، ئالتۆن كوپری چاڤه‌ڕێ بیت.