گارە دەربازبوو و شێخان داکەفتە پلە دوو
ئەڤرۆ نیوز:
د یاریێن گەرا حەفتێ و دووماھیا خولا پلە ئێکا ھەرێما کوردستانێ دا گارە دەربازی چارگۆشا زێرین بوو پشتی ژ دەرڤەی یاریگەھا خوە وەکھەڤ بووی، شێخان ژی داکەفتە خولا پلە دو پشتی تووشی خوسارەتیا شەشێ بووی.
نوونەرا ئێکێ یا پارێزگەھا دھۆکێ یانا گارە شیا دەربازبوونا خوە بۆ قوناغا چارگۆشا زێرین مسوگەر بکەت پشتی ژ دەرڤەی یاریگەھا خوە د کوما دویێ دا وەکھەڤ بووی دگەل یانا سولاڤ کەرکووکێ ب ڤی ئەنجامی گارە ب ١٢ خالان دەربازبوونا خوە مسوگەر کر.
ژلایێ خوە ڤە نوونەرا دویێ یا پارێزگەھێ یانا شێخان تووشی خوسارەتیا شەشێ ل دووڤ ئێک بوو ڤێ جارێ ژی ل یاریگەھا خوە ل سەر دەستێ یانا حەلەبچە ب سێ گۆلان بێ بەرامبەر ب ڤی ئەنجامی یانا شێخان ل رێزا دووماھیا کوما ئێکێ ھات ب سێ خالان و ب فەرمی داکەفتە خولا پلە دو ل وەرزێ بھێت.
