گازا به‌غدا هنارتی ل سه‌ر خێزانێن هه‌ژار دێ‌ هێته‌ به‌لاڤكرن

هه‌ولێر، قائید میرۆ:

گازا سپی یا ژ لایێ‌ به‌غدا ڤه‌ هاتیه‌ هنارتن، گه‌هشته‌ هه‌رێما كوردستانێ  و بڕیاره‌ ل چه‌ند رۆژێن داهاتی ل سه‌ر خێزانێن هه‌ژار بهێته‌ به‌لاڤكرن و رێڤه‌به‌رێ به‌لاڤكرنا به‌رهه‌مێن سووته‌مه‌نیان ل دهۆكێ ژی دبێژیت: ب تنێ بۆ خێزانێن هه‌ژاره‌ و بێ به‌رامبه‌ر ژی دێ هێته‌ به‌لاڤكرن گوره‌ی ئالیه‌ته‌كێ كو ژ لایێ ئیداره‌یا دهۆكێ دهێته‌ دیاركرن.

محسن ته‌ها، رێڤه‌به‌رێ به‌لاڤكرنا به‌رهه‌مێن سووته‌مه‌نیان ل دهۆكێ بۆ رۆژناما ئه‌ڤرۆ دیار كر، گازا ژ لایێ به‌غداڤه‌ بۆ هه‌رێما كوردستانێ هاتیه‌ هنارتن 30 تانكه‌ر، ئانكو ملیۆن لیتر به‌هرا هه‌ردو پارێزگه‌هێن هه‌ولێر و دهۆكێ نه‌ و گۆت: “پشتی گه‌هشتنێ پرۆسا به‌لاڤكرنێ دێ هێته‌ ده‌ستپێكرن، ب هه‌ماهه‌نگی ل گه‌ل پارێزگه‌ها دهۆكێ ئالیه‌تێ به‌لاڤكرنێ‌ دێ هێته‌ دیاركرن و ل سه‌ر خێزانێن هه‌ژار دێ‌ هێته‌ به‌لاڤكرن، چونكی ب تنێ بۆ خێزانێن هه‌ژاره‌ و بێ به‌رامبه‌ر دێ هێته‌ به‌لاڤكرن”.

محسن ته‌ها گۆتژی: “پرۆسا به‌لاڤكرنا گازا سپی ئه‌ڤا ژ لایێ حوكمه‌تا هه‌رێما كوردستانێ ڤه‌ هاتیه‌ دابینكرن ل سنوورێ پارێزگه‌ها دهۆكێ یا به‌رده‌وامه‌ و رۆژانه‌ ل گوره‌ی خشته‌یێ دیاركری گازا سپی دهێته‌ به‌لاڤكرن، كو ب بهایێ پالپشتی كری ل سه‌ر وه‌لاتیان دهێته‌ به‌لاڤكرن”.

کۆمێنتا تە