گازا سپی ل سەنتەرێ باژێرێ دهۆكێ دی هێتە بەلاڤكرن
بڕیارە ئەڤ سالە گازا سپی ل سەر وەلاتیێن سەنتەرێ باژێرێ دهۆكێ بهێتە بەلاڤكرن و بۆ ڤێ مەرەمێ ژی پلێتێن گازا سپی ل سەر هەژمارەكا بریكارێن ئاهێن خوارنێ هاتنە بەلاڤكرن.
دەڤەرداریا دهۆكێ دوهی 4/11/2023 گەرا ئێكێ یا پلێتێن گازا سپی ل سەنتەرێ باژێرێ دهۆكێ ل سەر هەژمارەكا بریكارێن ئاهێن خوارنێ هاتنە بەلاڤكرن.
مللەت زكری، سەرپەرشتێ بەلاڤكرنا پلێتێن گازێ راگەهاند: ل ڤان دو رۆژان پلێتێن گازا سپی ل سەر 87 بریكارێن ئاهێن خوارنێ یێن بنگەهێ 234 ل سەنتەرێ باژێرێ دهۆكێ دێ هێنە بەلاڤكرن، دیسا هەر د ڤێ حەفتیێ دا دێ گاز ژی هێتە بەلاڤكرن.
